សៀង ចន្ធា ខ្សែប្រយុទ្ធ U22 កម្ពុជា ថ្លែងមុនការប្រកួតកីឡាអាស៊ីអាគ្នេយ៍ ដែលធ្វើឡើងនៅកម្ពុជា “សម្រាប់ខ្ញុំ គូប្រកួតក្នុងពូលជាមួយ U22 កម្ពុជា គឺជាក្រុមខ្លាំងទាំងអស់។ យើងមិនអាចមើលស្រាលពួកគេបានទេ អ្វី​ដែល​យើង​ត្រូវ​ធ្វើ​គឺ​ខំប្រឹងប្រែងឈាន​ដល់​វគ្គ​ផ្ដាច់ព្រ័ត្រ» ប្រធាន​ក្រុម U22 កម្ពុជា សៀង ចន្ធា បាន​ប្រាប់​សារព័ត៌មាន​កាល​ពី​ចុង​សប្តាហ៍​មុន។

កីឡាករកើតឆ្នាំ២០០០ ក៏បានបង្ហាញទំនុកចិត្តថា៖ "សម្រាប់ការត្រៀមខ្លួន របស់ U22កម្ពុជា សម្រាប់ស៊ីហ្គេមលើកទី៣២នេះ យើងកំពុងហ្វឹកហាត់បានល្អ ប៉ុន្តែនៅមានចំណុចខ្វះខាតមួយចំនួន ហើយត្រូវកែសម្រួល ដើម្បីត្រៀមប្រកួតលើកក្រោយ"។

សៀង ចន្ធា បានបន្ថែមទៀត​ថា៖ «ភាព​ខ្លាំង​របស់ U22 កម្ពុជា គឺ​យើង​លេង​ជាមួយ​គ្នា ហើយ​មាន​ស្មារតី​ប្រយុទ្ធ​ខ្លាំង។

ខ្សែ​ប្រយុទ្ធ​របស់​ក្លឹប​បឹងកេត​មាន​អារម្មណ៍​សប្បាយ​ចិត្ត​ដែល​កម្ពុជា​ធ្វើជាម្ចាស់ផ្ទះក្នុង​ព្រឹត្តិការណ៍​កីឡា​ធំ​មួយ​គឺ​ស៊ីហ្គេម។ សៀង ចន្ធា សង្ឃឹមថា អ្នកគាំទ្រកម្ពុជាជាច្រើននឹងមកលើកទឹកចិត្តគាត់ និងមិត្តរួមក្រុមក្នុងការប្រកួតកីឡាស៊ីហ្គេមលើកទី៣២។

សៀង ចន្ធា គឺជាក្តីសង្ឃឹមរបស់កីឡាបាល់ទាត់កម្ពុជាក្នុងការប្រកួតកីឡាស៊ីហ្គេមនាពេលខាងមុខ ដោយគាត់ធ្លាប់ជួយក្រុម U19 កម្ពុជា យកឈ្នះ U19 ថៃ ២-១ ក្នុងវគ្គជម្រុះ U19 អាស៊ីឆ្នាំ ២០២០ ភាពវៃឆ្លាតរបស់ សៀង ចន្ធា បានជួយកម្ពុជា U19 កក់សំបុត្រទៅប្រកួត U19 វគ្គផ្តាច់ព្រ័ត្រអាស៊ីឆ្នាំ ២០២០ ប៉ុន្តែជាអកុសលការប្រកួតនេះត្រូវបានលុបចោលដោយសារជំងឺកូវីដ១៩។

ក្នុង​ស៊ីហ្គេម​ឆ្នាំ​២០១៩ សៀង ចន្ធា បាន​ចូល​រួម​ចំណែក​៣​គ្រាប់​ជួយ​ U23 កម្ពុជា​យក​លេខ​៤។ ក្នុងព្រឹត្តិការណ៍កីឡាអាស៊ីអាគ្នេយ៍ឆ្នាំ 2023 កម្ពុជា U22 ស្ថិតក្នុងពូល A រួមជាមួយ U22 ឥណ្ឌូនេស៊ី U22 មីយ៉ាន់ម៉ា U22 ហ្វីលីពីន និង U22 ទីម័រខាងកើត។