ខ្សែប្រយុទ្ធរបស់ក្លិប Al Nasser កីឡាករ Cristiano Ronaldo ត្រូវបានគេរាយការណ៍ថាបានបញ្ជូន​សម្ភារៈ​ថែទាំ(ដូចជាតង់ អាហារ ភួយ អាហារទារក និងសម្ភារៈពេទ្យ) តាមយន្តហោះទៅ​​​ដល់​ជនរងគ្រោះ​ដោយសារ​រញ្ជួយ​ដី​ក្នុង​ប្រទេស​ស៊ីរី និង​តួកគី ។



នេះមិនមែនជាលើកទីមួយទេ ដែល Ronaldo បានបង្ហាញចិត្តសប្បុរសធម៌បែបនេះ  ខណៈដែលគាត់បានចំណាយប្រាក់ 69,000 ផោន ដើម្បីចំណាយលើការវះកាត់ខួរក្បាលរបស់ក្មេងប្រុសម្នាក់។ ហើយបានបរិច្ចាគ 137,000 ផោន  ដល់មជ្ឈមណ្ឌលមហារីកនៅស្រុកកំណើតរបស់គាត់ វាក៏បានចំណាយប្រាក់ចំនួន 1 លានផោន ដល់មន្ទីរពេទ្យនៅប្រទេសព័រទុយហ្គាល់ ក្នុងអំឡុងពេលជំងឺរាតត្បាត COVID-19​ ផងដែរ ។



ការរញ្ជួយដីដ៏សាហាវរបស់ប្រទេសទាំងពីរបានធ្វើឱ្យមនុស្សជាង 47,000 នាក់បានស្លាប់ និង 5 លាននាក់គ្មានផ្ទះសម្បែង បន្ទាប់ពីគ្រោះមហន្តរាយដ៏អាក្រក់បំផុតក្នុងរយៈពេល 100 ឆ្នាំហើយបានបំផ្លាញទីក្រុងសំខាន់ៗចំនួន 1 រហូតទាល់តែវារាបស្មើ។



រហូតមកដល់ពេលចុងក្រោយនេះ កាលពីថ្ងៃទី 5 ខែមីនា កន្លងទៅ សារព័ត៌មាន The Sun បានទម្លាយថា Ronaldo បានផ្តល់បញ្ជូន​សម្ភារៈ​ថែទាំមួយចំនួន ដើម្បីជួយជនរងគ្រោះដោយគ្រោះរញ្ជួយដី ដោយទិញរបស់របរដឹកតាមយន្តហោះមួយ ដើម្បីផ្តល់ជូនអ្នករងគ្រោះជាមួយនឹងសម្ភារៈផ្សេងៗ រួមមាន តង់, អាហារ, ខ្នើយ, ភួយ, គ្រែ អាហារត្រជាក់ ទឹកដោះគោ និងថ្នាំជាដើម ។