Manchester United ត្រៀមចែកផ្លូវជាមួយ David de Gea បន្ទាប់ពីគាត់មិនមានឈ្មោះក្នុង បញ្ជីកីឡាករដែលនៅរក្សាសម្រាប់រដូវកាលក្រោយ ។

អ្នកចាំទីវ័យ 32 ឆ្នាំនឹងផុតកុងត្រានៅ Old Trafford នៅថ្ងៃទី 30 ខែមិថុនា ហើយមិនត្រូវបានបន្តកុងត្រាថ្មីនោះទេ។ យោងតាមរបាយការណ៍ចុងក្រោយ de Gea អាចជ្រើសរើស មិន ចុះកិច្ចសន្យាថ្មីរយៈពេល 2 ឆ្នាំជាមួយ United ហើយផ្លាស់ទៅអារ៉ាប៊ីសាអូឌីតជាមួយដូចជា Cristiano Ronaldo និង Karim Benzema ។

De Gea បានតស៊ូជាមួយនឹងទម្រង់លេង ហើយបានរងការរិះគន់យ៉ាងខ្លាំងក្នុងរដូវកាលថ្មីៗនេះ រួមទាំងបានឃើញកំហុសជាច្រើន។ រួមទាំងការប្រកួតវគ្គផ្តាច់ព្រ័ត្រ FA Cup លទ្ធផល​នេះ​បាន​ធ្វើ​ឱ្យ Manchester United ចាញ់​គូប្រជែង​ក្នុង​ទីក្រុង​របស់​ខ្លួន​គឺ Manchester ។

យោងតាម កាសែត The Daily Mail បានឱ្យដឹងថា Manchester United មិនជឿជាក់ថាកីឡាករសញ្ជាតិអេស្ប៉ាញរូបនេះនឹងជ្រើសរើសបន្តកុងត្រារបស់គាត់ជាមួយក្លឹបនោះទេ។ ហើយបានរកឃើញអ្នកស្នងតំណែងរួចហើយ។ ដោយ​មាន​បំណង​ចង់​បាន Diogo Costa របស់ Porto ដែល​ជា​អ្នក​ចាំទី​តាម​ការ​បញ្ជាក់​របស់​គ្រូ​បង្វឹក​ក្រុម Erik ten Hag។