អ្នកចាត់ការក្លឹប Manchester United លោក Erik ten Hag បានសរសើរខ្សែបម្រើក្លឹប Barcelona កឺកីឡាករ Frenkie de Jong ថាជាកីឡាករដ៏ល្អម្នាក់  រហូត​ដល់​និយាយថា  ​មិន​ថា​​ទៅ​ក្រុម​ណា​ទេ វា​នឹង​ធ្វើ​ឱ្យ​ក្រុម​នោះ​កាន់​តែ​ខ្លាំង។



សម្រាប់ Frenkie De Jong គឺជាផ្នែកមួយនៃក្រុមរបស់ Ten Hag នៅពេលដែលពួកគេទាំងពីរនៅក្លិប Ajax Amsterdam ហើយគ្រូបង្វឹកហូឡង់រូបនេះ គឺជាអ្នកគាំទ្រដ៏ធំនៃគុណសម្បត្តិរបស់គាត់រហូតមានព័ត៌មានថាចង់បានទៅធ្វើការជាមួយគ្នានៅ Manchester United កាលពីរដូវក្តៅឆ្នាំមុន ប៉ុន្តែនៅទីបំផុតវាមិនបានសម្រេចនោះទេ ។

ទោះជាយ៉ាងណាក៏ដោយ អ្នកទាំងពីរមានឱកាសជួបគ្នាម្តងទៀតបន្ទាប់ពីក្រុមបិសាចក្រហម Manchester United និងត្រូវជួបជាមួយក្រុម Barcelona សម្រាប់ការប្រកួតពានរង្វាន់ UEFA Europa League នៅយប់នេះ វេលាម៉ោង ១២:៤៥ នាទីយប់។



Erik Ten Hag បាននិយាយថា៖  “De Jong គឺជាកីឡាករដ៏អស្ចារ្យម្នាក់មិន​ថា​ក្រុម​ណា​ដែល​គាត់​ទៅ​លើ​ពិភពលោក​ទេ គាត់​អាច​ធ្វើ​ឱ្យ​ក្រុម​នោះ​ខ្លាំង​ជាង​មុន ព្រោះ​គាត់​មាន​គុណភាព​ពិសេស។ ប្រសិនបើអ្នកអាចនាំគាត់មកក្រុមរបស់អ្នក នោះក្រុមរបស់អ្នកនឹងកាន់តែរឹងមាំ។



គាត់បានបន្តែមទៀតថា ៖ "ក្រុមរបស់យើង (Ajax) ក្នុងឆ្នាំ 2019 គឺជាក្រុមដែលមានទឹកចិត្ត។ គាត់​អាច​នាំ​ទឹកចិត្ត​ដល់​ក្រុម អាច​បង្កើន​គុណភាព​របស់​គាត់។ គាត់​អាច​ពង្រឹង​បន្ថែម​ទៀត​ដោយ​លេង​នៅ​អេស្ប៉ាញ។ គាត់​ជា​កីឡាករ​ដ៏​អស្ចារ្យ។ គាត់អាចលេងបាល់ពីខាងក្រោយ។ គាត់តែងតែផ្តល់ពេលវេលាគ្រប់គ្រាន់សម្រាប់ខ្លួនគាត់ក្នុងការលេង។ ហើយ​ពេល​វេលា​ដែល​ខ្ញុំ​ធ្វើ​ការ​ជាមួយ​គាត់​គឺ​ជា​ពេល​វេលា​ដ៏​អស្ចារ្យ​មួយ”។