ខ្សែប្រយុទ្ធសញ្ជាតិសេណេហ្គាល់ Sadio Mane ត្រូវបានប្តូរចេញដោយបញ្ហារបួសនៅនាទីទី20 នៃការប្រកួតរបស់ Bayern Munich ទល់នឹង Bremen កាលពីយប់មិញ។

គ្រូបង្វឹក Bayern លោក Julien Nagelsmann បាននិយាយថា៖ " Mane បានបង្ហាញអាការ:មិនស្រួល បន្ទាប់មកគេអង្គុយនៅលើទីលានទាំងឈឺចាប់។ ក្រុមគ្រូពេទ្យបានចូលទៅពិនិត្យមុននឹងសម្រាច់ថាប្តូររូបគេចេញ។
លោកបានបន្តថា៖ "រូបគេមានបញ្ហាជង្គង់ខាងស្តាំ ដែលតែងតែធ្វើឱ្យគេមានអារម្មណ៍ថាមិនស្រួល។ គេត្រូវតែថតកាំរស្មីអ៊ិចដើម្បីរកមើលថាតើមានអ្វីអាក្រក់ឬអត់ ពីព្រោះផ្នែកនេះងាយនឹងរបួសខ្លាំង។ ហើយយើងទាំងអស់គ្នាសង្ឃឹមថាវានឹងគ្មានអ្វីធ្ងន់ធ្ងរ"។
 

ការរបួសរបស់ខ្សែប្រយុទ្ធវ័យ30 ឆ្នាំនេះ គឺជាការព្រួយបារម្ភសម្រាប់ជម្រើសជាតិសេណេហ្គាល់ ខណៈដែល
ការប្រកួត World Cup Qatar 2022 នឹងមកដល់នៅ១១ថ្ងៃទៀត។