ក្លិប Newcastle ដែលជាក្រុមដ៏ល្បីនៅក្របខណ្ឌ  Premier League បានប្រកាសបន្តកុងត្រាថ្មីជាមួយខ្សែការពារសញ្ជាតិអង់គ្លេស គឺកីឡាករ  Kieran Trippier  រហូតដល់ឆ្នាំ 2025 រួចរាល់ហើយ។



ខ្សែការពារស្តាំរសញ្ជាតិអង់គ្លេសរូបនេះ បង្ហាញទម្រង់លេងដ៏អស្ចារ្យក្នុងរដូវកាលនេះ  តាម​រយៈ​ការ​ស៊ុត​បាល់​បញ្ចូល​ទី​ ៦​គ្រាប់  និង​រួមចំណែកជួយ​ឱ្យ​ក្រុម​ឈរ​នៅ​លេខ​រៀង​ទី​៣​ក្នុង​តារាង​ពិន្ទុ​  ហើយអាចមាន​ឱកាស​លេង​នៅក្នុងពានរង្វាន់  UEFA Champions League នៅ​រដូវ​កាល​ក្រោយ។



ក្រោយបន្តកុងត្រាថ្មី  Kieran Trippier  បាននិយាយថា ៖ “ខ្ញុំរីករាយណាស់ក្នុងការបន្តកុងត្រារបស់ខ្ញុំជាមួយក្រុម។ ខ្ញុំ​មាន​អំណរគុណ​យ៉ាង​ខ្លាំង​ចំពោះ​គ្រូ​បង្វឹក ម្ចាស់​ក្លឹប អ្នក​គាំទ្រ និង​មិត្ត​រួម​ក្រុម”។



កីឡាករវ័យ  ៣២​ឆ្នាំរូបនេះបានបន្ថែមទៀតថា ៖ “ពេលខ្ញុំមកទីនេះជាលើកដំបូង គ្រប់​គ្នា​ធ្វើ​ឱ្យ​ខ្ញុំ​មាន​អារម្មណ៍​ស្វាគមន៍។ ខ្ញុំចង់ជួយក្លឹបឱ្យសម្រេចបាននូវគោលដៅដ៏អស្ចារ្យ។ វា​ជា​ពេល​វេលា​ដ៏​អស្ចារ្យ​សម្រាប់​កីឡាករ​នៅ​ក្លឹប។ ហើយ​គ្មាន​កន្លែង​ណា​ដែល​ខ្ញុំ​ចង់​នៅ​ជាង​នេះ​ទេ”។