មូលហេតុដែលយុវជនថ្មីៗជាច្រើនរូប ត្រូវបានទទួលការកោះហៅ ឲ្យចូលរួម​បេសកកម្ម​ប្រមូលផ្តុំហ្វឹកហាត់ រយៈពេល ២ថ្ងៃ ដើម្បីជ្រើសរើសកីឡាករផ្លូវការចូលរួមក្រុមជម្រើសជាតិកម្ពុជា🇰🇭 U23 ត្រៀមពានរង្វាន់ AFF U-23 Championship 2023 នៅថៃនោះ។

ដោយសារតែអំឡុងពេល ក្រុមជម្រើសជាតិកម្ពុជា U23 បំពេញភារកិច្ចក្នុងពានរង្វាន់ AFF U-23 Championship 2023 នៅថៃពោលគឺមិនមានការសម្រាក ការប្រកួតលីគកំពូលកម្ពុជាដូចជារាល់ដងឡើយ ។

ដូច្នេះកីឡាករមួយចំនួន ក៏ត្រូវបានក្លិបអនុញ្ញាតឲ្យចូលរួម ដោយឡែកកីឡាករមួយចំនួនទៀត ក៏មិនត្រូវបានក្លិបអនុញ្ញាតឲ្យចូលរួម គឺដោយសារតែជាប់ភារកិច្ចជាមួយក្លិប ក្នុងការប្រកួតលីគ ។

គួរបញ្ជាក់ថាលីគកំពូលកម្ពុជារដូវកាលថ្មី ២០២៣/២៤ នឹងចាប់ផ្ដើមការប្រកួតសប្ដាហ៍ទី១ នៅចុងសប្ដាហ៍នេះហើយ ខណៈពានរង្វាន់ AFF U-23 Championship 2023 នឹងចាប់ផ្ដើមការប្រកួត ចាប់ពីថ្ងៃទី១៧​ ខែសីហា ដល់ថ្ងៃទី២៦ ខែសីហា ឆ្នាំ២០២៣ ។