ខ្សែបម្រើ Christian Eriksen របស់ក្រុម Manchester United បានផ្តល់ដំណឹងដល់អ្នកគាំទ្រអំពីរបួសរបស់គាត់។ ខ្សែ​បម្រើ​វ័យ​ ៣១​ឆ្នាំ​មិន​បាន​លេង​ឲ្យ​បិសាច​ក្រហម Manchester United ​តាំង​ពី​ខែ​មករា​មកម្លេះ បន្ទាប់ពីរបួសកជើងក្នុងការប្រកួត FA Cup ជុំទីបួនទល់នឹង Reading ។



ថ្មីៗនេះ ខ្សែបម្រើកណ្តាលរូបនេះបានចែករំលែកព័ត៌មានអំពីរស្ថានភាពបួសរបស់គាត់ជាមួយអ្នកគាំទ្រនៅលើប្រព័ន្ធផ្សព្វផ្សាយសង្គម ដោយបង្ហាញថាគាត់អាចត្រលប់មកលើទីលានវិញហើយ បន្ទាប់ពីអវត្តមានអស់រយៈពេលពីរខែ។  Eriksen បានប្រាប់ UTD Podcast ថា ៖ “អ្វីៗដំណើរការបានល្អ។ ខ្ញុំទើបតែចាប់ផ្តើមហ្វឹកហាត់នៅខាងក្រៅជាមួយនឹងស្បែកជើងបាល់ទាត់របស់ខ្ញុំ។ ដូចដែលអ្នកបានមើលឃើញ" ។

គាត់បានបន្ថែមទៀតថា ៖ “ចាប់ពីពេលនេះតទៅ យើងនឹងចាប់ផ្តើមពីទីនេះ។ នេះគឺជាជំហានបន្ទាប់។ ខ្ញុំ​បាន​ចូល​ហាត់​ប្រាណ​អស់​រយៈ​ពេល​ជាច្រើន​សប្តាហ៍។ ហើយ​ឥឡូវ​ដល់​ពេល​ចេញ​មក​ខាង​ក្រៅ​ហើយ​ធ្វើ​ការ​កែ​សម្ផស្ស​ខ្លះ ”។  Erik ten Hag បាននិយាយនៅក្នុងបទសម្ភាសន៍មួយថា Eriksen ទំនងជានឹងត្រលប់មកទីលានវិញសម្រាប់ Manchester United នៅចុងខែមេសា។