ប្រព័ន្ធផ្សព្វផ្សាយអាល្លឺម៉ង់ដ៏ល្បីល្បាញពីរបានបញ្ជាក់ដូចគ្នាថា Bayern Munich ដែលជាក្លឹបយក្សនៃក្របខ័ណ្ឌ Bundesliga បានបណ្តេញលោក Julian Nagelsmann បានចេញពីតំណែងគ្រូបង្វឹកហើយ គ្រាន់តែរង់ចាំការប្រកាសជាផ្លូវការប៉ុណ្ណោះ។  ក្រុម Bayern Munich ទើបតែចាញ់ក្រុម Bayer Leverkusen ក្នុងលទ្ធផល 1-2 ក្នុងការប្រកួតលីកចុងក្រោយ ដែលបណ្តាលឱ្យក្រុម Borussia Dortmund វ៉ាដាច់ពិន្ទុ  រហូត​ដល់​ធ្វើ​ឱ្យ​ក្រុមប្រឹក្សា​នាយក​មាន​កិច្ច​ប្រជុំ​បន្ទាន់​មួយ​កាល​ពី​ថ្ងៃ​ព្រហស្បតិ៍​មុន។



ក្រៅ​ពី​ប្រព័ន្ធ​ផ្សព្វ​ផ្សាយ​ទាំង​ពីរខាងលើ​  Fabrizio Romano អ្នក​សារព័ត៌មាន​ដ៏​ល្បី​មួយ​រូប​បាន​បញ្ជាក់​ដូច្នេះ Nagelsmann  បានបណ្តេញចេញពីតំណែងជាគ្រូបង្វឹក របស់ Bayern Munich ផងដែរ។ តាម​រយៈ​សារព័ត៌មាន​ទាំង​អស់​បាន​រាយការណ៍​ថា Thomas Tuchel អតីត​គ្រូ​បង្វឹក Chelsea នឹង​ក្លាយ​ជា​គ្រូ​បង្វឹក​ថ្មី​របស់ Bayern Munich។



សម្រាប់ Tuchel មានវ័យ 49 ឆ្នាំបានបណ្តេញចេញពីតំណែងជាគ្រូបង្វឹក Chelsea ក្នុងខែកញ្ញាក្រោមកម្មសិទ្ធិថ្មីរបស់លោក  Todd Boehly ។ ហើយគាត់បានរស់នៅទីក្រុង Munich អស់ជាច្រើនសប្តាហ៍កន្លងមកហើយ ។ កីឡាកររបស់ Bayern បានដឹងរួចហើយថា Tuchel នឹងក្លាយជាអ្នកចាត់ការថ្មីរបស់ពួកគេ។