* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
Chan Vathanaka ត្រលប់មករកគ្រាប់បាល់បានវិញនៅលីគជាលើកដំបូង
ក្នុងជំនួបរវាងក្លឹបបាល់ទាត់បឹងកេត ទល់ជាមួយក្លឹបអង្គរថាយហ្គឺ កាលពីម្សិលមិញក្នុងការប្រកួតជម្រើសជើងឯក ខេមបូឌានព្រីមៀរលីគសប្ដាហ៍ទី២ គឺជាការកគ្រាប់បាល់បានវិញនៅក្នុងលីគជាលើកដំបូង ក្រោយខកខាន អស់រយៈពេល ១ឆ្នាំ ១០ខែ និង ១៨ថ្ងៃ ។
ដោយសារមានបញ្ហារបួសនៅក្នុងជំនួបទល់នឹងវិសាខា ក្នុងពានរង្វាន់ Prince Beer Pre-season Cup នាថ្ងៃទី២៦ ខែមករា ឆ្នាំ២០២២ នៅកីឡដ្ឋានព្រីនស៍ ដែលបណ្ដាលអោយដាច់សរសៃជង្គង់ខាងស្ដាំ ទើប 𝗖𝗩𝟭𝟭 ខកខានក្នុងការបង្ហាញខ្លួន នឹងរកគ្រាប់បាល់នៅក្នុងលីគកំពូលកម្ពុជា ។
គួររំលឹកផងដែរ គ្រាប់បាល់ចុងក្រោយដែល 𝗖𝗩𝟭𝟭 រកបាន គឺកាលពីថ្ងៃទី២៦ ខែកញ្ញា ឆ្នាំ២០២១ ក្នុងជំនួបសប្ដាហ៍ទី១៦ នៃលីគកំពូលកម្ពុជា ទល់នឹងក្លិបគិរីវង់សុខសែនជ័យ ។
