តារា​ឆ្នើម​សញ្ជាតិ​ព័រទុយហ្គាល់កីឡាករ Cristiano Ronaldo ​ទើប​តែ​ចុះ​កុងត្រា​ជាមួយ​ក្លិបរបស់​អារ៉ាប៊ីសាអូឌីត Al Nasser ធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតនៅលើពិភពលោក បន្ទាប់ពីចាកចេញពីក្លិប Manchester United កាលពីពេលកន្លងទៅ។ គាត់បានបង្ហាញថាគាត់បានសម្រេចចិត្តផ្លាស់ទៅមជ្ឈឹមបូព៌ាដើម្បីស្វែងរកការប្រកួតប្រជែងថ្មី  ខណៈដែល Al Nasser បាននិយាយថា Ronaldo ជាកីឡាករដ៏អស្ចារ្យបំផុតដែលក្លឹបបានចុះហត្ថលេខា។



តើ Ronaldo រកបានលុយប៉ុន្មានពីក្លិប Al Nasser ​បើ​ធៀប​នឹង Lionel Messi ដែល​ជា​គូ​ប្រជែង​នៅលើសមរភូមិវាលស្មៅ​របស់​គេ?

តើ Ronaldo រកបានលុយប៉ុន្មានពី Al Nasser?



កីឡាករវ័យ 37 ឆ្នាំរូបនេះបានចុះកិច្ចសន្យាជាមួយ Al Nasser រហូតដល់ឆ្នាំ 2025 ហើយនឹងទទួលបានប្រាក់ឈ្នួលខ្ពស់បំផុតក្នុងប្រវត្តិសាស្ត្របាល់ទាត់។ វាមានតម្លៃជិត 173 លានផោនក្នុងមួយឆ្នាំ នេះបើយោងតាមប្រព័ន្ធផ្សព្វផ្សាយអារ៉ាប៊ីសាអូឌីត Al Ekhbariya ។


យ៉ាង​ណា​មិញ យោង​តាម​របាយការណ៍​ពី CBS Sports ប្រាក់​ឈ្នួល​ពិត​ប្រាកដរបស់  Ronaldo គឺ 62 លានផោន ដោយនៅសល់នឹងទៅលើសិទ្ធិរូបភាព និងកិច្ចព្រមព្រៀងពាណិជ្ជកម្ម។ ហើយគាត់ក៏នឹងដើរតួយ៉ាងសំខាន់ក្នុងការដេញថ្លៃរបស់ប្រទេសអារ៉ាប៊ីសាអូឌីតដើម្បីធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ 2030 ។

តើ  Messi  រកបានលុយប៉ុន្មានពីក្លិប PSG ?

កិច្ចព្រមព្រៀងរបស់ Ronaldo គឺច្រើនជាង Messi ពីក្លិប Paris Saint-Germain ទៅទៀត។ ដោយកីឡាករសញ្ជាតិអាហ្សង់ទីនរូបនេះរកបាន 30 លានអឺរ៉ូក្នុងឆ្នាំដំបូងរបស់គាត់នៅប្រទេសបារាំង មុនពេលកើនឡើងដល់ 40 លានអឺរ៉ូក្នុងឆ្នាំទី 2 នេះបើយោងតាម ​​L'Equipe ។ យ៉ាង​ណា​មិញ កុងត្រា​របស់ Messi នឹង​ផុត​កំណត់​នៅ​ចុង​រដូវ​កាល​នេះ  ហើយនឹងបន្តលេងឱ្យក្លិប Paris Saint-Germain មួយឆ្នាំទៀត។  ប៉ុន្តែ​មិន​ទាន់​មាន​កិច្ច​ព្រមព្រៀង​ជា​ផ្លូវ​ការ​លើ​កិច្ច​សន្យា​ថ្មី​​នេះ​ទេ។