Sky Sports ដែលជាប្រព័ន្ធផ្សព្វផ្សាយដ៏ល្បីល្បាញរបស់ចក្រភពអង់គ្លេស បានបញ្ជាក់ថា Sheikh Jassim bin Hamad Al-Thani នឹងធ្វើការដេញថ្លៃជាលើកទីពីរក្នុងការទិញក្លិប Manchester United ដោយក្រុមតំណាងរបស់គាត់ទើបតែបានធ្វើដំណើរទៅកាន់ទីក្រុង Manchester ដើម្បីចរចារលើបញ្ហាផ្សេងៗជាមួយអ្នកតំណាងរបស់បិសាចក្រហម។ 



Sheikh Jassim bin Hamad Al-Thani  គឺជាពាណិជ្ជករកាតាដ៏ល្បីល្បាញ ត្រៀមដេញថ្លៃជាលើកទីពីរសម្រាប់ Manchester United បន្ទាប់ពីការចរចាររវាងអ្នកតំណាងរបស់គាត់ និងក្រុម បិសាចក្រហម ទទួលបានលទ្ធផលល្អ នេះបើយោងតាមការចុះផ្សាយរបស់សារព័ត៌មាន Sky Sports របស់អង់គ្លេស។


 

ប៉ុន្មានខែមុន គ្រួសារ Glazer ដែលជាម្ចាស់ភាគហ៊ុនភាគច្រើនរបស់ United បានប្រកាសថាពួកគេបើកចំហរក្នុងការស្តាប់ការផ្តល់ជូនពីអ្នកវិនិយោគផ្សេងទៀតមិនថាវាជាការកាន់កាប់ក្រុមជាអចិន្ត្រៃយ៍ ឬការទិញភាគហ៊ុនតិចតួចនោះទេ ដោយមហាសេដ្ឋី Sheikh Yassim និង Sir Jim Ratcliffe គឺជាអ្នកទាំងពីរដែលបានបង្ហាញពីចេតនារបស់ពួកគេយ៉ាងច្បាស់ថាចង់ទិញពីក្លិប Manchester United ។



នៅថ្ងៃព្រហស្បតិ៍ទី 16 ខែមីនា លោក Sheikh Yassim បានបញ្ជូនក្រុមរបស់គាត់ទៅ Manchester ដើម្បីជួបជាមួយអ្នកតំណាងរបស់ United តាមការគ្រោងទុក។ ក្នុង​នោះ​ក្រុម​របស់ Sheikh Yassim ត្រូវ​បាន​គេ​ធ្វើ​ដំណើរ​កម្សាន្ត​នៅ Old Trafford ជា​ទីលាន​ផ្ទះ​របស់​ក្រុមមុនពេលត្រូវបាននាំទៅកាន់ Carrington ដែលជាកន្លែងហ្វឹកហាត់របស់ក្រុម ដើម្បីធ្វើការចរចា។ ពួកគេ​ត្រូវ​បាន​គេ​ជឿ​ថា​បាន​ជជែក​គ្នា​អស់​រយៈ​ពេល 10 ម៉ោង ហើយ​វា​ជា​ការ​សន្ទនា​មិត្តភាព​ដែល​ទទួល​បាន​លទ្ធផល​ល្អ​ខ្លាំង​ណាស់  ដល់ចំណុចដែលការចរចាបានចំណាពេលយូរជាងការរំពឹងទុកដំបូង។

សម្រាប់ការដេញថ្លៃលើកទីពីរ Sheikh Yassim មានពេល 10 ថ្ងៃដើម្បីធ្វើដូច្នេះ។ ចាប់​ពី​ថ្ងៃ​ព្រហស្បតិ៍ ទី ១៦ ខែ​មីនាតទៅ  តំណែង​របស់ Sheikh Yassim នៅ​តែ​ដដែល។ នោះគឺពួកគេចង់ទិញភាគហ៊ុនទាំងអស់របស់ក្លិប ត្រៀមខ្លួនដើម្បីជឿថាការផ្តល់ជូនរបស់គាត់គឺល្អបំផុត ក្នុង​នោះ​លោក​មាន​គម្រោង​វិនិយោគ​ទាំង​ផ្នែក​កម្លាំង គឺ​ប្រព័ន្ធ​អភិវឌ្ឍន៍​យុវជន និងសំណង់ពេញលេញ។