សហព័ន្ធកីឡាបាល់ទាត់ន័រវេសបានប្រកាសថា ខ្សែប្រយុទ្ធដ៏ឆ្នើមរបស់ Manchester City កីឡាករ Erling Haaland កំពុងមានការឈឺចាប់ត្រង់ក្រលៀន បន្ទាប់ពីការប្រកួតដែលក្រុម Man City បានយកឈ្នះលើក្រុម Burnley  ក្នុងលទ្ធផល 6-0  នៃពានរង្វាន់ FA Cup កាលពីថ្ងៃសៅរ៍  ហើយបានត្រឡប់ទៅក្លិប Man City វិញដើម្បីតាមដានសុខភាព ។



សេចក្តីថ្លែងការណ៍របស់សហព័ន្ធបាល់ទាត់ន័រវេស បានបញ្ជាក់ថា ក្រុមគ្រូពេទ្យជម្រើសជាតិបានផ្តល់ដំបូន្មានឱ្យ Haaland ត្រឡប់ទៅ Man City និងទទួលការតាមដានសុខភាពនៅក្លឹប។ខណះដែរលោក Ståle Solbakken គ្រូ​បង្វឹក​របស់​​ន័រវែស ​បាន​និយាយ​ថា​ Erling Haaland បាន​ធ្វើ​ការ​យ៉ាងលំបាក​នៅ​ពេល​ដែល​គាត់​ដឹង​ថា​គាត់​មិន​អាច​លេង​ដើម្បី​ក្រុមបាន។



តារាឆ្នើមរបស់ City បានស៊ុតបាល់បញ្ចូលទីមិនគួរឱ្យជឿចំនួន 42 គ្រាប់ក្នុងការបង្ហាញខ្លួនត្រឹមតែ 37 ប្រកួតនៅក្នុងការប្រកួតទាំងអស់នៅរដូវកាលនេះសម្រាប់ក្រុមរបស់លោក Pep Guardiola ពីក្លិប Borussia Dortmund កាលពីរដូវក្តៅមុន។អ្នកគាំទ្រមានការសង្ស័យចំពោះរបួសរបស់ Haaland ហើយវានៅតែត្រូវមើលថាតើគាត់នឹងខកខានការប្រកួតរបស់ Man City ទល់នឹង Liverpool នៅកីឡដ្ឋាន Etihad នៅពេលដែលការប្រកួតក្របខ័ណ្ឌ Premier League ត្រលប់មកវិញបន្ទាប់ពីសម្រាកអន្តរជាតិ។



សម្រាប់ក្រុមជម្រើសជាតិន័រវេស  ត្រូវប៉ះជាមួយក្រុមជម្រើសជាតិអេស្ប៉ាញនៅថ្ងៃសៅរ៍ និងការប្រកួតនៅថ្ងៃអង្គារទល់នឹងហ្សកហ្ស៊ី។