កាលពីពេលថ្មីៗនេះសារពត៌មានដ៏ល្បី Fabrizio Romano បានចុះផ្សាយថាក្លិបសេដ្ថីបារាំង PSG ត្រៀមខ្លួនក្នុងការប្រកាសតែងតាំងគ្រូបង្វឹកថ្មីគឺលោក Luis Enrique មកជំនួសដំណែងគ្រូបង្វឹកសញ្ជាតិបារាំង Christophe Galtier ក្នុងរដូវកាល២០២៣-២៤ ខាងមុននេះ។

យ៉ាងណាមិញបច្ចុប្បន្នភាគីខាងលោក Luis Enrique និង ភឲPSG បានចរចាគ្នាឈានចំណុងចុងក្រោយហើយ នៅឡើយតែការចរចាតម្លៃពលកម្ម និងរឿងលម្អិតមួយចំនួនទៀតតែប៉ុណ្ណោះ 

ហេតុនេះដូចការលើកឡើងពីខាងដើមប្រសិនបើមិនមានអ្វីប្រែប្រួលនោះទេ PSG និងប្រកាសតែងតាំងលោក Luis Enrique ក្នុងពេលដ៏ខ្លីខាងមុខ។

គួរបន្ថែមផងដែលថាលោក Luis Enrique គឺជាគ្រូបង្វឹកមួយរូបដែលមានបទពីសោធន៍ឆ្អែតឆ្អន់ក្នុងការដឹងនាំក្រុមធំៗជាច្រើនក្នុងតំបន់អឺរ៉ុប ពោលក្នុងអំឡុងឆ្នាំ២០១៤រហូតដល់ឆ្នាំ២០១៧ លោកបានដឹកនាំក្លិបអ្នកមាន Barcelona ជោគជ័យជាខ្លាំងក្នុងគ្រានោះ ខណៈដែលក្រោយមកក្នុងឆ្នាំ២០១៨លោកចូលកាន់តំណែងជាគ្រូបង្វឹករបស់ក្រុមជម្រើសជាតិអេស្ប៉ាញរហូតដល់ឆ្នាំ២០២២

លោក Luis Enrique បានលាលែងចេញពីតំណែង ជាគ្រូបង្វឹកក្រុមជម្រើសជាតិអេស៉្បាញ បន្ទាប់ពីមិនអាចដឹកនាំក្រុមឆ្លងផុតវគ្គ១៦ក្រុមចុងក្រោយនៃព្រឹត្តិការណ៍ FIFA World Cup ២០២២ នៅប្រទេសកាតាបាន៕