យោងតាមសារព័ត៌មាន Mundo Deportivo បានឱ្យដឹងថា ការប្រកួតជើងទីពីររបស់ក្រុម Liverpool នៃក្របខ័ណ្ឌ Champions League វគ្គ 16ចុងក្រោយ ទល់នឹងក្រុម Real Madrid គឺមិនបានមកការហ្វឹកហាត់នៅ​កីឡដ្ឋាន Santiago Bernabeu ដូចជាធម្មតានោះទេ។ ហង្ស​ក្រហម​គ្រោង​ទៅ​ដល់​អេស្ប៉ាញ​នៅ​ល្ងាច​ថ្ងៃ​អង្គារ  នេះនឹងរារាំងពួកគេក្នុងការហ្វឹកហាត់នៅទីនោះមុនពេលការប្រកួត UEFA Champions League ។



ប្រព័ន្ធផ្សព្វផ្សាយដដែលបានបង្ហើបថាហង្សក្រហមនឹងមកដល់ទីក្រុងម៉ាឌ្រីដនៅម៉ោង 7 យប់ ហើយលោក  Jurgen Klopp  ចូលរួមធ្វើសន្និសីទសារព័ត៌មានភ្លាមៗនៅកីឡដ្ឋាន Santiago Bernabeu ។ ព្រឹត្តិការណ៍បែបនេះ  វា​ជា​រឿង​មិន​ធម្មតា​ដែល​ក្រុម​មិនបានមក​​ហ្វឹកហាត់​  រៀបចំ​ក្រុម  និង​ស៊ាំ​នឹង​ទីលានមុនពេលប្រកួតមកដល់  ដើម្បី​ឱ្យ​កីឡាករ​ស៊ាំ​នឹង​ទីលាន និងធ្វើការតាំងចិត្តបានល្អ។



សម្រាប់ Liverpool ក៏​បាន​សម្រេច​ចិត្ត​មិន​វិល​វិញ​ភ្លាម​ៗ​ក្រោយ​ចប់ការ​ប្រកួត​ដែរ  ដោយពួកគេបានកក់សណ្ឋាគារមួយយប់ទៀតបន្ទាប់ពីការប្រកួត  ក្នុងន័យនេះត្រូវបានគេសន្មត់ថាដោយសារតែពួកគេមានថ្ងៃឈប់សម្រាកយូរ ហើយមិនមានកម្មវិធីប្រកួតទៀតនោះ ហើយ​នឹង​លេង​ប្រកួត​បន្ទាប់​នៅ​ថ្ងៃ​ទី 1 ខែ​មេសា ទល់​នឹង Manchester City ក្នុងក្របខ័ណ្ឌ Premier League។

ហង្ស​ក្រហម​បច្ចុប្បន្ន​ស្ថិត​ក្នុង​ស្ថានភាព​លំបាក​ក្នុង​ការ​ប្រកួត​ប្រជែងពានរង្វាន់មួយនេះ  ដោយពួកគេបានចាញ់ក្រុម Real Madrid ក្នុងការប្រកួតជើងទី១នៅទឹកដី Anfield 5-2​  ខណះដែរការប្រកួតជើងទី២ និងធ្វើឡើងនៅថ្ងៃទី១៦ ខែ មីនា ឆ្នាំ២០២៣ វេលាម៉ោង ៣:០០ រំលងអាធ្រាត ។