* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
គ្រូបង្វឹកហង្សក្រហមបានសរសើរទម្រង់លេងដ៏ល្អរបស់បិសាចក្រហមនាពេលថ្មីៗនេះ ហើយថាជាម៉ាស៊ីនដែលអាចកំណត់លទ្ធផលនៃការប្រកួត
លោក Jurgen Klopp គ្រូបង្វឹករបស់ក្លិប Liverpool បានចេញមកសរសើរទម្រង់លេងរបស់ក្លិប Manchester United ថាជាម៉ាស៊ីនដែលអាចកំណត់លទ្ធផលនៃការប្រកួត។ ក្លិបហង្សក្រហមត្រូវបើកកីឡដ្ឋាន Anfield របសខ្លួនដើម្បីស្វាគមន៍ក្រុមបិសាចក្រហម Manchester United នៅក្របខណ្ឌ Premier League ថ្ងៃអាទិត្យនេះ។ ជាពិសេសក្រុមភ្ញៀវដែល ទើបតែឈ្នះពាន Carabao Cup ហើយនៅតែមានឱកាសឈ្នះជើងឯកទាំង ៤ រដូវកាលនេះ។
គ្រូបង្វឹកសញ្ជាតិអាល្លឺម៉ង់ Jurgen Klopp បាននិយាយថា៖ “មានរឿងជាច្រើនដែលសំខាន់ក្នុងជីវិតជាងបាល់ទាត់ទៅទៀត។ ប៉ុន្តែសម្រាប់ 95, 98 នាទី ឬអ្វីក៏ដោយនៅក្នុងការប្រកួតបាល់ទាត់នៅថ្ងៃអាទិត្យគឺជារឿងសំខាន់បំផុត ខ្ញុំចូលចិត្តវា។ ពិភពលោកទាំងមូលនឹងមើលវា។ ដោយសារតែវាជាប្រកួតដ៏ធំមួយ ហើយខ្ញុំពិតជាទន្ទឹងរង់ចាំវា។ នៅពេលណាដែលយើងប្រឈមមុខនឹងពួកគេ។ វាពិតជាអស្ចារ្យណាស់”។
លោកបន្ថែមទៀតថា៖ «ក្នុងរយៈពេលប៉ុន្មានឆ្នាំកន្លងមកនេះ យើងធ្វើបានយ៉ាងល្អ (ទល់នឹង United) ទោះបីជាយើងដឹងថាពួកគេកំពុងលេងនៅរដូវកាលល្អជាងយើងក៏ដោយ។ ប៉ុន្តែវាមិនពាក់ព័ន្ធនឹងការប្រកួតនោះទេ»។
“ពួកគេទើបតែឈ្នះពាន League Cup បន្ទាប់មកពួកគេមិនមានពេលដើម្បីអបអរវាទេ។ ពួកគេបានក្លាយជាម៉ាស៊ីនលទ្ធផល។ ពួកគេនៅតែតស៊ូដើម្បីយកឈ្នះលីគដូចគ្ន។នេះគឺជាគូប្រជែងដ៏ខ្លាំង។ ប៉ុន្តែយើងទាំងអស់គ្នាដឹងថានៅក្នុងបាល់ទាត់អ្វីគ្រប់យ៉ាងគឺអាចធ្វើទៅបាន។ ហើយយើងត្រូវតែធ្វើឱ្យប្រាកដថាយើងបានត្រៀមខ្លួនជាស្រេច 100 ភាគរយ ហើយយើងចង់ឈ្នះការប្រកួតនេះឱ្យបានច្រើនជាងពួកគេ”។
“វាត្រូវការអ្នកគាំទ្រនៅលើទីលានដើម្បីចូលតាមផ្លូវរបស់យើង។ ខ្ញុំចង់ច្របាច់ចេញនូវអ្វីគ្រប់យ៉ាងដែលយើងអាចធ្វើបាននៅរដូវកាលនេះ។ យើងត្រូវលេងយ៉ាងម៉ឺងម៉ាត់ មានហេតុផលប្រាំលានដែលខ្ញុំចង់ឈ្នះប្រកួតនេះ។
គួរអោយដឹងផងដែរថា ក្រុម Liverpool នឹងត្រូវជួបជាមួយក្លិប Manchester United នៅក្នុងក្របខណ្ឌ Premier League ថ្ងៃអាទិត្យ ទី០៥ ខែមីនា នេះវេលាម៉ោង ១១:៣០នាទីយប់។
