គ្រូបង្វឹកថ្មីរបស់ក្លឹបតោខៀវបានទទូចថាគាត់មិនបានជាប់ពាក់ព័ន្ធក្នុងការលក់កីឡាករកំពូលនាពេលថ្មីៗនេះទេ ព្រោះវាជាផែនការដែលក្លឹបមានពីមុនមក ។

គ្រូបង្វឹកក្រុមតោខៀវ Chelsea លោក Mauricio Pochettino បានបង្ហើបថាគាត់ទើបតែចាប់ផ្តើមការងារថ្មីរបស់គាត់នៅក្លឹបនៅថ្ងៃទី 1 ខែកក្កដា ហើយមិនមានពាក់ព័ន្ធអ្វីទាំងអស់។ ជាមួយនឹងគម្រោងបោះចោលកីឡាករល្បីៗមួយចំនួនពីក្រុមមុនៗ ។

ក្រុមតោខៀវត្រូវដកកីឡាករមួយចំនួនចេញពីក្លឹប ដើម្បីកាត់បន្ថយទំហំនៃក្រុមដែលចង្អៀតរបស់ពួកគេ។ ជាលទ្ធផល កីឡាករដូចជា Mateo Kovacic, N'Golo Kante និង Kai Havertz ត្រូវចាកចេញ រួមទាំង Mason Mount ដែលទើបតែបង្ហាញខ្លួនជាលើកដំបូងនៅ Manchester United ។

យ៉ាង​ណា​មិញ គ្រូ​បង្វឹក​សញ្ជាតិ​អាហ្សង់ទីន​បាន​ទទូច​ថា​លោក​មិន​ជាប់​ពាក់ព័ន្ធ​នឹង​គម្រោង​លក់​កីឡាករ​ទាំង​អស់​នោះ​ទេ។ ព្រោះនោះជាអ្វីដែលក្លឹបបានគ្រោងទុកតាំងពីគាត់មិនទាន់ចាប់ផ្តើម។