យោងតាមប្រព័ន្ធផ្សព្វផ្សាយ Sky Sport Germany ដែលជាប្រព័ន្ធផ្សព្វផ្សាយដ៏ល្បីមួយបានរាយការណ៍ថាខ្សែប្រយុទ្ធសញ្ជាតិអាឡឺម៉ង់របស់ក្រុមតោខៀវ Chelsea គឺ Kai Havertz អាចនឹងចាកចេញពីក្រុមនៅរដូវកាលក្រោយ ប្រសិនបើក្លឹបមិនអាចទៅលេងនៅពានរង្វាន់ UEFA Champions League។



ក្រុមតោខៀវ Chelsea រដូវ​កាល​នេះ​ហាក់ធ្វើ​មិន​បាន​ល្អ​ទាល់តែសោះ ដោយក្នុង 20ប្រកួតដំបូងនៅក្នុងក្របខណ្ឌ Premier League រដូវកាលនេះ ឈ្នះ 8ប្រកួត ស្មើ 5 ប្រកួត នឹងចាញ់ 7ប្រកួត  ឈរនៅលេខរៀងទី 10  ហើយមានត្រឹម 29ពិន្ទុប៉ុណ្ណោះ។



ដោយលោក Florian Plettenberg  អ្នកឆ្លើយឆ្លងព័ត៌មាន Sky Germany និយាយថា  Havertz  ទំនងជានឹងចាកចេញពីក្លិប Chelsea ប្រសិនបើគាត់ខកខានការប្រកួត Champions League រដូវកាលក្រោយ ដោយក្លិប Bayern Munich កំពុងតែតាមដានស្ថានការណ៍យ៉ាងដិតដល់។



លោក Florian Plettenberg បានលើកឡើងថា ៖ “Havertz មិន​មែន​ជា​គោល​ដៅ​សំខាន់សម្រាប់ Bayern ទេ  ទោះ​ពេល​នេះ ឬ​ក៏រដូវ​ក្ដៅ​មុន​ក៏​ដោយ។ ក្លឹបមើលមិនឃើញគាត់ជាកីឡាករលេខ 9 នោះទេ  ពួកគេមាន Choupo Moting, Muller និង Mathys Tel​ ” ។

គាត់បន្ថែមទៀតថា ៖"ទោះជាយ៉ាងណា  ការផ្ទេរទៅចូលរួមជាមួយក្រុមនៅរដូវរងារនេះគឺអាចធ្វើទៅបាន   ដោយតម្លៃរបស់គាត់គឺប្រហែល 50-60 លានអឺរ៉ូ" ។