ខ្សែបម្រើសញ្ជាតិក្រូអាតបានត្រៀមខ្លួនរួចរាល់ហើយដើម្បីទួលយកការផ្តល់ជូនពីក្លឹបអារ៉ាប៊ីសាអូឌីត។

COPE ប្រព័ន្ធផ្សព្វផ្សាយកីឡាអន្តរជាតិដ៏ល្បីល្បាញមួយបានបញ្ជាក់ថា Luka Modric ខ្សែបម្រើជើងចាស់សញ្ជាតិក្រូអាត ត្រៀមខ្លួនរួចជាស្រេចដើម្បីស្តាប់ការផ្តល់ជូនពីក្រុមនៅក្នុងលីគក្នុងប្រទេសអារ៉ាប៊ីសាអូឌីត។ តារាបាល់ទាត់វ័យ 37 ឆ្នាំរូបនេះនឹងផុតកុងត្រាជាមួយ Real Madrid នៅចុងខែមិថុនា ហើយកំពុងពិភាក្សាជាមួយក្លឹបជុំវិញកុងត្រាថ្មី។ កន្លង​មក​មាន​ព័ត៌មាន​ថា​លោក​យល់ព្រម​បន្ត​កុងត្រា​រយៈពេល១​ឆ្នាំ​ទៀតជាមួយ Real Madrid ។

ទោះ​បី​ជា​យ៉ាង​ណា ក៏មានមាន​សេចក្តី​រាយការណ៍​ថា Modric ចង់​ពន្យារ​ការ​សម្រេច​ចិត្ត ដោយសារតែមានការផ្តល់ជូនយ៉ាងច្រើនពីក្រុមនៅក្នុង Saudi Arabia Pro League ដែលត្រូវបានពិចារណាយកចិត្តទុក់ដាក់ ហើយនឹងផ្តល់ចម្លើយនៅប៉ុន្មានថ្ងៃខាងមុខនេះ។

គួរបញ្ជាក់ផងដែរថា Modric នៅតែជាកម្លាំងសំខាន់របស់ Real Madrid កាលពីរដូវកាលមុន។ ដោយ​រូបគាត់លេង​បាន​៥២​ប្រកួត​ក្នុង​គ្រប់​ការ​ប្រកួត​ស៊ុត​បញ្ចូល​ទី​បាន​៦​គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន​៦​គ្រាប់ផងដែរ ។