គ្រូបង្វឹក Mikel Arteta គិតថា ការប្រកួតរវាង Arsenal និង Manchester City នៅព្រឹកថ្ងៃទី 27 ខែមេសា មានសារៈសំខាន់ ប៉ុន្តែនឹងមិនទាន់សម្រេចថាអ្នកណាជាម្ចាស់ពាន Premier League នៅរដូវកាលនេះទេ។

ក្នុង​សន្និសីទ​សារព័ត៌មាន​មុន​ការ​ប្រឈម​មុខ​ជាមួយ Man City ក្នុង​ជុំ​ទី 33 នៃ Premier League គ្រូបង្វឹក Arteta បាន​សរសើរ​គូប្រកួត​ថា៖ “តាំងពីដើម​រដូវ​កាល​មក យើង បាន​ដឹង​ថា​ប្រសិន​បើ​យើង​ចង់​ឈ្នះ​ពាន Premier League។ យើងត្រូវតែយកឈ្នះ Man City ព្រោះអ្វីដែលពួកគេបានបង្ហាញក្នុងរយៈពេលប្រាំមួយប្រាំពីរឆ្នាំចុងក្រោយនេះគឺគួរឱ្យជឿជាក់ណាស់ ហើយពួកគេបន្តបង្ហាញវានៅរដូវកាលនេះ"។

ក្នុង​ការ​ប្រកួត​បី​ជុំ​ចុង​ក្រោយ​ក្នុង​ក្រប​ខ័ណ្ឌ Premier League ក្រុម Arsenal ត្រូវ​ប៉ះ​ក្រុម Liverpool, West Ham និង Southampton ។ បច្ចុប្បន្ន កងទ័ពរបស់ Arteta នៅតែនាំមុខតារាងលីគដោយមាន 5 ពិន្ទុច្រើនជាង Man City ប៉ុន្តែបានលេងពីរប្រកួតទៀត។​ ស្រប​ពេល​ជាមួយ​គ្នា​នេះ Man City មាន​ទម្រង់​លេង​ដ៏​អស្ចារ្យ ដោយកាលពីសប្តាហ៍មុន ក្រុមរបស់លោក Pep Guardiola បានផ្តួល ក្រុម Bayern Munich ដើម្បីទៅកាន់វគ្គពាក់កណ្តាលផ្តាច់ព្រ័ត្រ នៃក្របខ័ណ្ឌ Champions League និងបានផ្តួលក្រុម Sheffield United ទៅកាន់វគ្គផ្តាច់ព្រ័ត្រ FA Cup ។ នៅក្នុង Premier League "The Citizens" ក៏បានឈ្នះចំនួន 6 ជាប់គ្នាទៀតផង ។

បន្ទាប់ពីប៉ះគ្នា Arsenalនៅសល់ 5ប្រកួត ហើយ Man City នៅសល់ 7 ប្រកួតក្នុង Premier League ។ ខណៈដែល Arsenal សុបិនចង់ឈ្នះជើងឯកលីគលំដាប់លេខ 1 របស់អង់គ្លេសជាលើកដំបូងចាប់តាំងពីរដូវកាល 2003/04 Man City សុបិនក្នុងការឈ្នះពានរង្វាន់បីនៅរដូវកាលនេះ។