ក្លិប Tottenham Hotspur របស់អង់គ្លេស Premier League កំពុងសម្លឹងមើលគ្រូបង្វឹកសញ្ជាតិអេស្ប៉ាញ Luis Enrique   ដើម្បីជំនួសតំណែងលោក Antonio Conte ដែលទំនងជានឹងចាកចេញពីក្លឹបនៅចុងបញ្ចប់នៃរដូវកាលនេះ។ កន្លង​មក​មាន​ការ​សារ​ព័ត៌មាន​មួយបញ្ជាក់​ថា​លោក Conte ត្រៀម​ខ្លួន​ជា​ស្រេច​ក្នុង​ការចាកចេញពីក្លឹប​ បន្ទាប់ពីកិច្ចសន្យាផុតកំណត់នៅរដូវក្តៅនេះ បើ​ទោះ​បី​ជាគាត់​មាន​ជម្រើស​ក្នុង​ការ​បន្ត​កុងត្រា​រយៈ​ពេល​១​ឆ្នាំ​ទៀត​ក៏​ដោយ។



ទន្ទឹមនឹងនេះ ស្នាដៃរបស់គ្រូបង្វឹកសញ្ជាតិអ៊ីតាលីរូបនេះ កម្របានឃើញនៅក្នុងក្រសែភ្នែករបស់ក្រុមប្រឹក្សាភិបាលរបស់ Spurs ។ ជាពិសេសធ្លាក់ចេញពីវគ្គ១៦ក្រុមចុងក្រោយនៅពានរង្វាន់ UEFA Champions League កាលពីសប្តាហ៍មុន។ ឥឡូវនេះពួកគេចាប់ផ្តើមស្វែងរកជម្រើសសម្រាប់រដូវកាលក្រោយ។



កាសែត The Times បានរាយការណ៍ថា លោក Enrique ដែលមិនបានចូលបម្រើការងារនៅក្លឹបតាំងពីចាកចេញពីក្លឹប Barcelona ក្នុងឆ្នាំ 2017 មកនោះ ចាប់អារម្មណ៍ក្នុងការចូលដឹកនាំក្លឹប Spurs ប្រសិនបើមុខតំណែងទំនេរ ។ ទោះបីជាយ៉ាងណាក៏ដោយ បច្ចុប្បន្នលោក Enrique កំពុងតែអត់ការងារធ្វើ បន្ទាប់ពីបានចូលនិវត្តន៍ពីតំណែងគ្រូបង្វឹកក្រុមជម្រើសជាតិអេស្ប៉ាញ ចាប់តាំងពីការដឹកនាំក្រុមជម្រើសជាតិធ្លាក់ត្រឹមវគ្គ 16ក្រុមចុងក្រោយនៅព្រឹ្តតិការណ៏ FIFA World Cup ឆ្នាំ 2022 ។