វៀតណាមគឺជាប្រទេសដែលទើបតែធ្វើជាម្ចាស់ផ្ទះស៊ីហ្គេមរួច ហេតុនេះគេយល់ច្បាស់ពីភាពហត់នឿយរបស់ម្ចាស់ផ្ទះ ទាក់ទងនិងការរៀបចំផ្សេងៗដូចជា ម្ហូបអាហារ ការស្នាក់នៅឬមធ្យោបាយធ្វើដំណើរ។ល។

យ៉ាងណាមិញក្រុមកីឡាករគ្រូបង្វឹកព្រមទាំងសហការីរបស់ក្រុមជម្រើសជាតិវៀតណាមទាំងមូល ហាក់សម្ដែងការកោតសរសើរជាខ្លាំងទៅលើការ រៀបចំម្ហូបអាហារចម្រុះជាមួយនឹងមុខម្ហូបដែលមានជីវជាតិ និងទាក់ទាញជាច្រើន ដើម្បីធានាថាក្រុមទាំងមូលស្ថិតក្នុងទម្រង់ល្អបំផុតក្នុងព្រឹត្តិការណ៍ស៊ីហ្គេមលើកទី៣២នេះ។

គួរបន្ថែមផងដែលអាហារទាំងអស់គឺមានរស់ជាតិស្រដៀងទៅនិងម្ហូបអាហារក្នុងប្រទេសវៀតណាម ហើយមុខម្ហូបគឺផ្លាស់ប្ដូរជារៀងរាល់ពេល

ព្រមទាំងមានគុយទាវសាច់មាន់ ឬសាច់គោ ជាមួយនឹងគ្រឿងផ្សំ ធ្វើអោយកីឡាករមិនត្រលាន់ក្នុងការទទួលទានអាហារដែលសំបូរទៅដោយសារធាតុចញ្ជឹមស្រស់ៗដែលមានគុណភាព ថែមទៀតផង៕