រឿងផ្ទេរ របស់ Romelu Lukaku ដើម្បីចាកចេញពី Chelsea កំពុងចាប់ផ្តើមស្វែងរកក្លិបថ្មី ។ ក្រុម Tottenham Hotspur ដែលជាមិត្តរួមលីគនៅ Premier League គឺជាបេក្ខភាពសម្រាប់ក្លឹបថ្មីរបស់គាត់។

ព័ត៌មានចុងក្រោយ Tottenham Hotspur កំពុងពិចារណាលើការផ្ទេរសម្រាប់ Romelu Lukaku  ប៉ុន្តែ Spurs គ្រាន់តែចង់យកគាត់ក្នុងលក្ខខណ្ឌខ្ចីជើងប៉ុណ្ណោះ។

កីឡាករសញ្ជាតិបែលហ្ស៊ិករូបនេះ គាត់បានបំបែកកំណត់ត្រាទិញរបស់ Chelsea កាលពីពីរឆ្នាំមុននៅពេលផ្ទេរក្នុងតម្លៃ 97.5 លានផោន។ប៉ុន្តែឥឡូវត្រូវបានគេបំភ្លេចគាត់ចោលហើយសម្រាប់អ្នកគាំទ្រនៅកីឡដ្ឋាន Stamford Bridge ។

ទន្ទឹមនឹងនេះដែរ Romelu Lukaku  បានចំណាយពេលកាលពីរដូវកាលមុនក្នុងការខ្ចីជើងនៅ Inter Milan ហើយផែនការចូលរួមជាមួយ Juventus បានបរាជ័យ។ខណៈគេបានប្រទះឃើញកីឡាករវ័យ ៣០ ឆ្នាំរូបនេះសង្ងំហ្វឹកហាត់ជាមួយឈុត U21 របស់ក្លិប Chelsea ។