គ្រូបង្វឹកក្រុម Manchester City លោក Pep Guardiola បានពន្យល់ពីមូលហេតុក្នុងការសម្រាប់ការសម្រេចចិត្ត ប្តូរ Erling ​Haaland ចេញនៅតង់ទី១ ក្នុងជំនួសទល់នឹង Aston Villa ។  ខ្សែប្រយុទ្ធសញ្ជាតិន័រវេសរូបនេះ ត្រូវបានប្តូរចេញនៅតង់ទី១ ក្នុងជ័យជម្នះ ៣-១ លើក្រុម Aston Villa ដែលគ្រូបង្វឹកសញ្ជាតិអេស្ប៉ាញរូបនេះបាននិយាយថា ទទួលបានការណែនាំពីក្រុមគ្រូពេទ្យ។



Pep Guardiola បាននិយាយ  ៖ “Erling របួស គាត់​មិន​ស្រួល​ខ្លួន​ទេ។ នៅពាក់កណ្តាលម៉ោងខ្ញុំបាននិយាយទៅកាន់ក្រុមគ្រូពេទ្យ។ ពួកគេបាននិយាយថា ជាមួយនឹងពិន្ទុបែបនេះ យើងមិនគួរប្រថុយអ្វីឡើយ។ ហើយខ្ញុំយល់ព្រម។” 



គាត់បានបន្ថែមទៀតថា ៖ "ប្រសិនបើពិន្ទុគឺកាន់តែច្រើន ខ្ញុំប្រហែលជាមិនអាចធ្វើរឿងនេះបានទេ។ ខ្ញុំ​មិន​គិត​ថា​គាត់​ឈឺ​ខ្លាំង​ពេក​ទេ ប៉ុន្តែ​នៅ​ថ្ងៃ​ច័ន្ទ​យើង​នឹង​ឃើញ​ម្ដង​ទៀត។  សង្ឃឹមថាគាត់ត្រៀមខ្លួនសម្រាប់ការប្រកួតនៅថ្ងៃពុធ ទល់នឹងកាំភ្លើងធំ Arsenal  ប៉ុន្តែប្រសិនបើគាត់មិនទាន់ត្រៀមខ្លួន ឬប្រឈមនឹងហានិភ័យ គាត់នឹងមិនលេងទេ”។