ផ្លូវការ៖ ក្រុម Nottingham Forest បានឈានដល់កិច្ចព្រមព្រៀងចុះកិច្ចសន្យាយកបានខ្សែបម្រើឆ្នើមនៅលីគកំពូលប្រេសុីលកីឡាករ Danilo Oliveira ពីក្រុមប្រេសុីល Palmeiras ក្នុងទំហំទឹកប្រាក់ 16 លានផោន។  ខណៈដែលខ្សែបម្រើវ័យ 21 ឆ្នាំប្រេសុីលរូបនេះនឹងចុះកិច្ចសន្យារយៈពេល 6 ឆ្នាំកន្លះនៅកីឡដ្ឋាន City Ground។ 

ស្របពេលដែល Danilo ធ្លាប់បានឈ្នះពានរង្វាន់ជាច្រើននៅតំបន់អា​មេ​រិ​ច​ខាងត្បូងដូចជាឈ្នះពាន Copa Libertadores ចំនួនពីរលើក, ពាន Recopa Sudamericana មួយលើក និងពានលីគកំពូលប្រេសុីល Serie A មួយលើកដែលសុទ្ធតែជាការឈ្នះជាមួយក្រុម Palmeiras ទាំងអស់។

Danilo បាននិយយា​ថា៖ "ខ្ញុំ​ពិត​ជា​រីក​រាយ​ណាស់​ដែល​បាន​សម្រេច​ក្តី​សុបិន​របស់​ខ្ញុំ​ក្នុង​ការ​លេង​នៅក្នុងក្របខណ្ឌ Premier League និង​លេង​ឲ្យ Nottingham Forest"។

ខណៈដែល Danilo បង្ហាញខ្លួនសរុប 141 ប្រកួតឲ្យក្រុម Palmeiras ដោយស៊ុតបញ្ចូលទីបាន 12 គ្រាប់នឹង 9 assists ពីឆ្នាំ 2020 ដល់ 2023 នេះ។