ក្នុងចំណោមកីឡាករ 831 នាក់ពី 32 ក្រុមក្នុងពានរង្វាន់ World Cup ឆ្នាំ 2022 នេះ តើក្រុមជម្រើសជាតិនៃប្រទេសណាដែលមានកីឡាករ មានតម្លៃថ្លៃបំផុតនៅពេលបូកបញ្ចូលគ្នា?  ព្រឹត្តិការណ៍ World Cup គឺជាការប្រមូលផ្តុំកីឡាករកំពូលៗទូទាំងពិភពលោក ដែលសុទ្ធតែជាកីឡាករបាល់ទាត់លំដាប់ប្រទេស នឹងលំដាប់ទ្វីបមកប្រកួតប្រជែងគ្នា។

គេប៉ាន់ប្រមាណថាក្នុងចំណោមកីឡាករ 831នាក់ពី 32 ក្រុមដែលចូលរួមក្នុងការប្រកួតបាល់ទាត់ពិភពលោកឆ្នាំ 2022 នេះ តម្លៃរួមបញ្ចូលគ្នាគឺច្រើនជាង 15 ពាន់លានអឺរ៉ូ។  ទីផ្សារ​បាល់ទាត់​បច្ចុប្បន្ននេះ បងប្អូនច្បាស់ជាដឹងហើយថា គឺ​កីឡាករពិតជាមានតម្លៃខ្លួនថ្លៃខ្លាំងណាស់ ជាពិសេស គឺកំពូលតារាបាល់ទាត់តាមបណ្ដាលីគកំពូលនៅតំបន់អឺរ៉ុប ដែលភាគច្រើនមានតម្លៃផ្ទេរលើសពី 50 លានអឺរ៉ូឡើងទៅនាពេលបច្ចុប្បន្ននេះ។

ខាងក្រោមនេះគឺជាក្រុមជម្រើសជាតិដែលមានតម្លៃថ្លៃបំផុតទាំង 10 នៅ World Cup 2022 នេះបើយោងតាម ​​CIES Football Observatory៖

10. ក្រុមជម្រើសជាតិ បែលហ្សិក៖ កីឡាករទាំងអស់បូកបញ្ចូលគ្នាមានតម្លៃ 562 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ អ្នកចាំទី Thibaut Courtois មានតម្លៃ 66 លានអឺរ៉ូ

9. ក្រុមជម្រើសជាតិ អ៊ុយរូហ្គាយ៖ កីឡាករទាំងអស់បូកបញ្ចូលគ្នាមានតម្លៃ 590 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែបម្រើ Federico Valverde មានតម្លៃ 123 លានអឺរ៉ូ

8. ក្រុមជម្រើសជាតិ អាហ្សង់ទីន៖ កីឡាករទាំងអស់បូកបញ្ចូលគ្នាមានតម្លៃ 748 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែប្រយុទ្ធ Lautaro Martinez មានតម្លៃ 99 លានអឺរ៉ូ

7. ក្រុមជម្រើសជាតិ ហូឡង់៖ កីឡាករទាំងអស់បូកបញ្ចូលគ្នាមានតម្លៃ 756 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែបម្រើ Frenkie de Jong មានតម្លៃ 110 លានអឺរ៉ូ

6. ក្រុមជម្រើសជាតិ អាល្លឺម៉ង់៖ កីឡាករទាំងអស់បូកបញ្ចូលគ្នាមានតម្លៃ 1,020 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែបម្រើ Jamal Musiala មានតម្លៃ 151 លានអឺរ៉ូ

5. ក្រុមជម្រើសជាតិ ព័រទុយហ្គាល់៖ កីឡាករទាំងអស់បូកបញ្ចូលគ្នាមានតម្លៃ 1,154 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែការពារ Ruben Dias មានតម្លៃ 118 លានអឺរ៉ូ

4. ក្រុមជម្រើសជាតិ អេស្ប៉ាញ៖ កីឡាករទាំងអស់បូកបញ្ចូលគ្នាមានតម្លៃ 1,201 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែបម្រើ Pedri មានតម្លៃ 158 លានអឺរ៉ូ

3. ក្រុមជម្រើសជាតិ បារាំង៖ កីឡាករទាំងអស់បូកបញ្ចូលគ្នាមានតម្លៃ 1,337 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែប្រយុទ្ធស្លាប Kylian Mbappe មានតម្លៃ 1​85 លានអឺរ៉ូ

2. ក្រុមជម្រើសជាតិ ប្រេស៊ីល៖ កីឡាករទាំងអស់បូកបញ្ចូលគ្នាមានតម្លៃ 1,455 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែប្រយុទ្ធស្លាប Vinicius Junior មានតម្លៃ 201 លានអឺរ៉ូ

1. ក្រុមជម្រើសជាតិ អង់គ្លេស៖ កីឡាករទាំងអស់បូកបញ្ចូលគ្នាមានតម្លៃ 1,499 លានអឺរ៉ូ / កីឡាករថ្លៃបំផុតនៅក្នុងក្រុមគឺ៖ ខ្សែប្រយុទ្ធស្លាប Jude Bellingham មានតម្លៃ 202 លានអឺរ៉ូ