* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
ដាណឺម៉ាក ប៉ះ ទុយនីស៊ី យប់នេះគឺជាការជួបគ្នាលើកដំបូងសម្រាប់ក្រុមជម្រើសជាតិនៃប្រទេសទាំងពីរ...
ក្រុមជម្រើសជាតិដាណឺម៉ាក នឹងត្រូវជួបជាមួយក្រុមជម្រើសជាតិទុយនីស៊ី ក្នុងការប្រកួតពូល D នៃព្រឹត្តិការណ៍ FIFA World Cup Qatar 2022 នៅកីឡដ្ឋាន Education City Stadium នាវេលាម៉ោង 8:00 យប់នេះ ម៉ោងនៅប្រទេសកម្ពុជាយើង។
បើនិយាយអំពីការជួបគ្នាវិញ ក្រុមជម្រើសជាតិនៃប្រទេសទាំងពីរ មិនដែលធ្លាប់ជួបគ្នាពីមុនមកទាល់តែសោះ ខណៈដែលតារាងចំណាត់ថ្នាក់ពិភពលោកបច្ចុប្បន្ន ក្រុមជម្រើសជាតិដាណឺម៉ាកឈរនៅលេខរៀងទី 10 ចំណែកក្រុមជម្រើសជាតិទុយនីស៊ីឈរនៅលេខរៀងទី 30។
ព្រឹត្តិការណ៍ FIFA World Cup Qatar 2022 គឺជាការបង្ហាញវត្តមានជាលើកទី6 ហើយសម្រាប់ដាណឺម៉ាក ខណៈដែលពួកគេអាចឈានមកកាន់ជុំផ្ដាច់ព្រ័ត្រជាលើកដំបូង គឺនៅក្នុងឆ្នាំ 1986 នៅប្រទេសម៉ិកស៊ិក (1986, 1998, 2002, 2010, 2018, 2022)។ ដាណឺម៉ាកធ្វើបានល្អបំផុតនៅក្នុងពានរង្វាន់មួយនេះ គឺការដែលអាចឈានទៅកាន់វគ្គ 8 ក្រុមចុងក្រោយកាលពី World Cup ឆ្នាំ 1998 នៅប្រទេសបារាំង។ ស្របពេលដែលវត្តមាន 5 លើកកន្លងមករបស់ដាណឺម៉ាកក្នុងពានរង្វាន់ FIFA World Cup ពួកគេធ្លាក់ក្នុងវគ្គចែកពូលតែមួយលើកប៉ុណ្ណោះ គឺនៅ World Cup ឆ្នាំ 2010 នៅប្រទេសអាព្រិចខាងត្បូង។
ចំណែកព្រឹត្តិការណ៍ FIFA World Cup Qatar 2022 នេះសម្រាប់ក្រុមជម្រើសជាតិទុយនីស៊ីវិញ គឺជាការបង្ហាញវត្តមានលើកទី6 (1978, 1998, 2002, 2006, 2018, 2022) ហើយសម្រាប់ពួកគេ ខណៈដែលទាំង 6 លើកដែលពួកគេមានវត្តមាននោះ គឺពួកគេមិនដែលធ្លាប់បានឆ្លងផុតវគ្គចែកពូលបានសូម្បីតែមួយលើក។
បច្ចុប្បន្ននេះក្រុមជម្រើសជាតិដាណឺម៉ាក ដឹកនាំដោយលោកគ្រូ Kasper Hjulmand សញ្ជាតិដាណឺម៉ាកផ្ទាល់តែម្ដង ហើយខាងក្រោយនេះជាបញ្ជីឈ្មោះកីឡាករទាំង 26 រូបចុងក្រោយដែលលោកគ្រូ Kasper Hjulmand បានធ្វើការកោះហៅមកលេងក្នុងពានរង្វាន់ FIFA World Cup Qatar 2022 នេះ៖
បច្ចុប្បន្ននេះក្រុមជម្រើសជាតិទុយនីស៊ី ដឹកនាំដោយលោកគ្រូ Jalel Kadri សញ្ជាតិទុយនីស៊ីផ្ទាល់តែម្ដង ហើយខាងក្រោយនេះជាបញ្ជីឈ្មោះកីឡាករទាំង 26 រូបចុងក្រោយដែលលោកគ្រូ Jalel Kadri បានធ្វើការកោះហៅមកលេងក្នុងពានរង្វាន់ FIFA World Cup Qatar 2022 នេះ៖
កីឡាករដែលគួរអោយចាប់អារម្មណ៍ជាងគេ នៅក្នុងក្រុមជម្រើសជាតិទុយនីស៊ីនៅ World Cup 2022 នេះរួមមាន៖
.ទី1 ខ្សែប្រយុទ្ធកីឡាករ Wahbi Khazri ដែលបច្ចុប្បន្នកំពុងតែប្រកបអាជីពនៅក្នុងលីគកំពូលបារាំង ជាមួយក្រុម Montpellier។
.ទី2 ខ្សែបម្រើវ័យក្មេងកីឡាករ Hannibal Mejbri ដែលបច្ចុប្បន្នកំពុងតែប្រកបអាជីពនៅលីគទី2 អង់គ្លេស ជាមួយក្រុម Birmingham City ក្នុងលក្ខខណ្ឌខ្ចីជើងពីក្រុម Manchester united។
