អតីតខ្សែប្រយុទ្ធក្រុមជម្រើសជាតិប្រេស៊ីលលោក Ronaldo បានបង្ហើបថា៖ "លោកមិនចាប់អារម្មណ៍ នឹងទម្រង់លេងរបស់អាហ្សង់ទីននៅ World Cup 2022 នោះទេ ប៉ុន្តែលោកបានត្រៀមខ្លួនរួចជាស្រេច ដើម្បីអបអរសាទរ Lionel Messi ប្រសិនបើតារាឆ្នើមអាហ្សង់ទីនរូបនេះបានឈ្នះពានរង្វាន់ FIFA World Cup ដូចដែលលោកបានរំពឹងទុក"។

Ronaldo ដែលជាម្ចាស់ជើងឯកពិភពលោក 2 សម័យកាល (1994 និង 2002) បាននិយាយពីការសំដែងរបស់គូប្រជែងក្នុងទ្វីបរបស់គាត់ថា៖ “គាត់មិនចាប់អារម្មណ៍នឹងការសម្តែងរបស់កូនក្រុមលោក Lionel Scaloni នោះទេ។  ប៉ុន្តែទោះបីជាយ៉ាងនេះក្តី គាត់នឹងសប្បាយចិត្តសម្រាប់ Messi ប្រសិនបើម្ចាស់ពានរង្វាន់ Ballon d'Or 7 សម័យរូបនេះ បញ្ចប់អាជីពជាមួយនឹងជើងឯកពិភពលោក បន្ទាប់ពីគាត់បានឈ្នះពាន Copa America តែមួយលើកកាលពីឆ្នាំមុន”។

Ronaldo បានប្រាប់ Mundo Deportivo កាលពីខែធ្នូថា៖ "ខ្ញុំសប្បាយចិត្តប្រសិនបើ Messi ឈ្នះ World Cup ខ្ញុំមិនអាចមិនសប្បាយចិត្តដូចកីឡាករប្រេស៊ីលដទៃទៀតនោះទេ ប៉ុន្តែពួកយើងទាំងអស់គ្នាគួរតែទទួលយកវា"។

ខណៈដែលការប្រកួតវគ្គពាក់កណ្ដាលផ្ដាច់ព្រ័ត្ររវាងអាហ្សង់ទីននឹងក្រូអាត នឹងឈានចូលមកដល់នៅវេលាម៉ោង 2:00 រំលងអាធ្រាត្រយប់នេះហើយ។