World Cup ឆ្នាំ 2006 ដែលអាល្លឺម៉ងជាម្ចាស់ផ្ទះ គ្រានោះគ្រូបង្វឹកអាហ្សង់ទីនបច្ចុប្បន្នលោក Lionel Scaloni គឺជាមិត្តរួមក្រុមរបស់ Lionel Messi។  ស្របពេលដែល World Cup ឆ្នាំ 2006 គឺជា World Cup ដំបូងដែល Lionel Messi មានវត្តមានជាមួយក្រុមជម្រើសជាតិអាហ្សង់ទីន។

បើនិយាយអំពីអាជីពបាល់ទាត់របស់លោក Lionel Scaloni ជាមួយក្រុមជម្រើសជាតិ គឺមិនសូវជាកក់កបនោះទេ ដោយរូបលោកជាប់ជម្រើសជាតិអាហ្សង់ទីនពីឆ្នាំ 2003 ដល់ 2006 ប៉ុន្តែរូបលោកអាចចូលលេងអោយអាហ្សង់ទីនបានត្រឹមតែ 7 ប្រកួតប៉ុណ្ណោះ។

លោក Lionel Scaloni ត្រូវបានតែងតាំងជាគ្រូបង្វឹករបស់ក្រុមជម្រើសជាតិអាហ្សង់ទីននៅថ្ងៃទី02 ខែសីហា ឆ្នាំ​ 2018 ជំនួសលោក Jorge Sampaoli ដែលត្រូវបានបណ្ដេញចេញពីតំណែង ក្រោយពីដឹកនាំអាហ្សង់ទីនធ្លាក់ត្រឹមវគ្គ 16 ក្រុមចុងក្រោយ World Cup 2018 នៅរុស្សី។

2 ឆ្នាំក្រោយមកពោលគឺនៅឆ្នាំ 2021 លោក Lionel Scaloni បានដឹកនាំអាហ្សង់ទីនអោយឈ្នះពានរង្វាន់ Copa América ឆ្នាំ 2021 នឹងបានធ្វើអោយអាហ្សង់ទីនឈ្នះពានជាលើកដំបូងក្នុងរយៈពេល 28 ឆ្នាំ។

នៅថ្ងៃទី01 ខែមិថុនា ឆ្នាំ 2022 លោក Lionel Scaloni ក៏បានដឹកនាំអាហ្សង់ទីនអោយឈ្នះពានរង្វាន់មួយទៀតនោះគឺពានរង្វាន់ CONMEBOL-UEFA Cup of Champions (Finalissima) បន្ទាប់ពីយកឈ្នះអុីតាលី 3-0 នៅ Wembley Stadium។

ហើយអ្វីដែលកាន់តែអស្ចារ្យថែមទៀតនោះគឺលោក Lionel Scaloni បានដឹកនាំអាហ្សង់ទីនអោយឈ្នះពានរង្វាន់ FIFA World Cup ឆ្នាំ 2022 នេះតែម្ដង។  ស្របពេលដែលលោកក៏បានបានក្លាយជាគ្រូបង្វឹក ដែលមានវ៏យក្មេងជាងគេ (វ័យ 44 ឆ្នាំ) នៅក្នុងព្រឹត្តិការណ៍ World Cup 2022 នេះផងដែរ។