ការប្រកួតដែលគ្រប់គ្នាទន្ទឹងរងចាំនឹងឈានចូលមកដល់ហើយនៅវេលាម៉ោង 10:00 យប់នេះ ខណៈដែលការប្រកួតវគ្គផ្ដាច់ព្រ័ត្រ World Cup 2022 រវាងអាហ្សង់ទីនជាមួយបារាំងនឹងធ្វើឡើងនៅកីឡដ្ឋាន Lusail Iconic Stadium។

តើបារាំងអាចធ្វើបានទេ ដោយក្លាយជាក្រុមទី3 ដែលនឹងឈ្នះពាន World Cup ពីរលើកជាប់ៗគ្នា បន្ទាប់ពីអុីតាលី នឹងប្រេសុីលធ្លាប់ធ្វើបានកាលពីអតីតកាល?

ឆ្នាំ 1934 អុីតាលីបាន​ឈ្នះ​ឆេកូស្លូវ៉ាគីនៅម៉ោងបន្ថែម 2-1 នៅវគ្គផ្ដាច់ព្រ័ត្រនឹងបានក្លាយជាម្ចាស់ជើងឯក។

ឆ្នាំ 1938 អុីតាលី​បាន​យក​ឈ្នះ​ហុងគ្រី 4-2 នៅវគ្គផ្ដាច់ព្រ័ត្រ ហើយក៏បានក្លាយជាក្រុមដំបូងគេនៅក្នុងប្រវត្តិសាស្ត្រ World Cup ដែលអាចការពារតំណែងជើងឯកបានសម្រេច។

ឆ្នាំ 1958 ប្រេសុីលបាន​ឈ្នះ​ស៊ុយអែត 5-2 នៅវគ្គផ្ដាច់ព្រ័ត្រនឹងបានក្លាយជាម្ចាស់ជើងឯក។

ឆ្នាំ 1962 ប្រេសុីលបាន​ឈ្នះ​ឆេកូស្លូវ៉ាគី 3-1 នៅវគ្គផ្ដាច់ព្រ័ត្រ ហើយក៏បានក្លាយជាក្រុមទី2 នៅក្នុងប្រវត្តិសាស្ត្រ World Cup ដែលអាចការពារតំណែងជើងឯកបានសម្រេច។

ស្របគ្នានោះផងដែលក៏មានក្រុមជម្រើសជាតិមួយចំនួនទៀត ក៏ពុំអាចការពារតំណែងជើងឯកបានសម្រេចផងដែរ៖
ឆ្នាំ 1986 អាហ្សង់ទីនបានយកឈ្នះអាល្លឺម៉ង់ខាងលិច 3-2 នៅវគ្គផ្ដាច់ព្រ័ត្រនឹងបានក្លាយជាម្ចាស់ជើងឯក។

ឆ្នាំ 1990 អាហ្សង់ទីនបានចាញ់អាល្លឺម៉ង់ខាងលិច 0-1 នៅវគ្គផ្ដាច់ព្រ័ត្រនឹងពុំអាចការពារតំណែងជើងឯករបស់ពួកគេបាននោះទេ។

ឆ្នាំ ​1994 ប្រេស៊ីល​បាន​យក​ឈ្នះ​អុីតាលី 3-2 នៅវគ្គផ្ដាច់ព្រ័ត្រដោយ​បាល់កាត់សេចក្ដី​ប៉េណាល់ទី (3-2) នឹងបានក្លាយជាម្ចាស់ជើងឯក។

ឆ្នាំ 1998 ប្រេស៊ីលបានចាញ់បារាំង 0-3 នៅវគ្គផ្ដាច់ព្រ័ត្រនឹងពុំអាចការពារតំណែងជើងឯករបស់ពួកគេបាននោះទេ។