ពានរង្វាន់ Futsal តារាងស្មៅដ៏ធំបំផុតនៅក្នុងប្រទេសកម្ពុជាយើង Ganzberg Cup ត្រៀមដំណើរការប្រកួតរដូវកាលទី6 ដែលជារដូវកាលថ្មីឆាប់ៗខាងមុខនេះ បន្ទាប់ពីរកឃើញក្រុមចូលរួមប្រកួតនៅជុំផ្ដាច់ព្រ័ត្រចំនួន 32 ក្រុមមកពីបណ្ដា 25 ខេត្ត/រាជធានី។ 

ក្រុមទាំង 32 ដែលអាចឈានមកដល់ការប្រកួតនៃវគ្គ Live Show នេះ សុទ្ធតែត្រូវបានឆ្លងកាត់ការប្រកួតជម្រុះតាមមណ្ឌលនីមួយៗ ដែលសរុបទាំងអស់គឺមានចំនួន 9 មណ្ឌលខេត្ត/រាជធានី។

ពាន​រង្វាន់ Futsal ដែល​មាន​ប្រាក់​រង្វាន់​រហូត​ដល់ទៅ 15,000 ​ដុល្លារ​នេះ ​នឹង​ប្រើប្រាស់​រយៈ​ពេល​ប្រកួត​ដល់​ទៅ ​4 ​ខែ ពោលគឺដំណើរការប្រកួត​ចាប់​ពី​ខែ​មករា​ ឆ្នាំ​ 2023 ត​ទៅ។  ខណៈដែលការប្រកួតនឹងធ្វើឡើងរៀងរាល់​ថ្ងៃ​អាទិត្យ ​ចំពោះទីលាន​នៃ​ការ​ប្រកួត​នឹងធ្វើ​ឡើង​នៅ​ទីលាន T - Soccer ​ក្បែរ​អង់តែន​ទួល​គោក រាជ​ធានី​ភ្នំពេញ ហើយគ្រប់ការប្រកួតទាំងអស់ក៏នឹងមានការផ្សាយផ្ទាល់នៅលើកញ្ចក់ទូរទស្សន៍ PNN នឹង Facebook Page PNN Sport ផងដែរ។ 

គួរបញ្ជាក់ថាក្រុមជើងឯកកាលពីរដូវកាលទី5 គឺក្រុមបាល់ទាត់ Rolling FC (ក្រុមស្ថិតនៅមណ្ឌលភ្នំពេញ) ដែលបានយកឈ្នះក្រុម Bee FC (ក្រុមស្ថិតនៅមណ្ឌលភ្នំពេញដូចគ្នា) កាលពីឆ្នាំ 2021។