ក្លឹបយក្សរបស់ប្រទេសថៃ Buriram United បានឈានដល់កិច្ចព្រមព្រៀងនាំយកខ្សែប្រយុទ្ធក្រុមជម្រើសជាតិស្លូវ៉ានីវ័យ 30 ឆ្នាំកីឡាករ Haris Vučkić មករួមក្រុមត្រៀមជើងទី2 លីគកំពូលថៃ។

ខណៈដែលខ្សែប្រយុទ្ធស្លូវ៉ានីរូបនេះ ធ្លាប់ប្រកបអាជីពនៅក្លឹបធំៗជាច្រើននៅតំបន់អឺរ៉ុបដូចជា Newcastle United (អង់គ្លេស), Rangers (ស្កុតឡេន) នឹង ​Twente (ហូឡង់) នឹងក្លឹបដែលរូបគេលេងអោយចុងក្រោយមុនផ្លាស់មកទឹកដីថៃនេះ គឺក្លឹប HNK Rijeka របស់លីគកំពូលប្រទេសក្រូអាត។

ហើយជាមួយក្រុមជម្រើសជាតិស្លូវ៉ានីវិញខ្សែប្រយុទ្ធរូបនេះ បង្ហាញខ្លួនបាន 12 ប្រកួតនឹងទាត់បញ្ចូលទីបាន 5 គ្រាប់ នឹងជាប់ជម្រើសជាតិស្លូវ៉ានីស្ទើរតែគ្រប់ឈុតតែម្ដង។

ក្រោយពីបញ្ចប់ការប្រកួតជើងទី1 Buriram United កំពុងតែកាន់កាប់កំពូលតារាងលីគកំពូលថៃដោយមាន 39 ពិន្ទុដាច់ក្រុមលេខ 2 ​Chonburi FC ​​9 ពិន្ទុ នឹងមិនទាន់ស្គាល់ពាក្យថាចាញ់សោះផងដែរ។