ម៉ោង 10:00 រាត្រីនេះក្រុមជម្រើសជាតិក្រូអាតនឹងត្រូវតទល់ជាមួយក្រុមជម្រើសជាតិជប៉ុនក្នុងវគ្គ 16 ក្រុមចុងក្រោយពានរង្វាន់ FIFA World Cup Qatar 2022។ ស្របពេលដែលប្រធានក្រុមរបស់ក្រូអាតកីឡាករ Luka Modrić គឺជាកីឡាករតែម្នាក់គត់ ដែលនៅសល់ពីជំនួបចុងក្រោយដែលក្រូអាតប៉ះជប៉ុននៅ World Cup។ ពោលគឺក្រូអាតប៉ះជប៉ុនលើកចុងក្រោយនៅ World Cup គឺនៅ World Cup ឆ្នាំ 2006 ក្នុងប្រទេសអាល្លឺម៉ង់។

គួរបញ្ជាក់ថា World Cup ឆ្នាំ 2006 ក្រូអាតស្ថិតនៅក្នុងពូលជាមួយជប៉ុន ហើយក្រុមទាំងពីរក៏បានដឹកដៃគ្នាហាលអាវត្រឹមវគ្គចែកពូលផងដែរ។ ខណៈដែលក្រុមជម្រើសជាតិនៃប្រទេសទាំងពីរជួបគ្នាលើកចុងក្រោយនៅ World Cup គឺលទ្ធផលបញ្ចប់ទៅស្មើគ្នា 0-0។

ហើយរឿងដ៏ចៃដន្យមួយទៀតនោះគឺ វត្តមានដំបូងរបស់ Luka Modrić នៅក្នុងព្រឹត្តិការណ៍ World Cup (World Cup ឆ្នាំ​ 2006) ក៏ជួបជប៉ុន ហើយវត្តមានចុងក្រោយរបស់ Luka Modrić នៅក្នុងព្រឹត្តិការណ៍ World Cup (World Cup ឆ្នាំ 2022) ក៏ជួបជប៉ុនទៀត។