ក្រុម Manchester United កំពុងតែពិចារណាលើការចុះកុងត្រានាំយកអ្នកចាំទីជម្រើសជាតិស្វីសវ័យ 33 ឆ្នាំកីឡាករ Yann Sommer មកកាន់ Old Trafford នៅរដូវក្តៅខាងមុខនេះ។

មូលហេតុដែលក្រុម Manchester United ចង់នាំយកអ្នកចាំទីសញ្ជាតិស្វីសរូបនេះមកកាន់ទឹកដីប្រទេសអង់គ្លេស ដោយសារតែអ្នកចាំទីដៃទី1 បច្ចុប្បន្នកីឡាករ David de Gea ខិតជិតអស់កុងត្រាជាមួយក្លឹបហើយ។ ខណៈដែលកុងត្រារបស់អ្នកចាំទីសញ្ជាតិអេស្ប៉ាញរូបនេះ នឹងអស់សុពលភាពជាមួយក្រុម Manchester United នៅពាក់កណ្ដាលឆ្នាំ 2023។

គួរបញ្ជាក់ថាបច្ចុប្បន្ននេះអ្នកចាំទីសញ្ជាតិស្វីសកីឡាករ Yann Sommer កំពុងតែប្រកបអាជីពជាមួយក្រុម Borussia Monchengladbach ​នៅលីគកំពូលប្រទេសអាល្លឺម៉ង់។ ខណៈដែលកុងត្រារបស់អ្នកចាំទីស្វីសរូបនេះ ក៏នឹងជិតអស់សុពលភាពជាមួយក្រុម Borussia Monchengladbach ផងដែរ។ ពោលគឺនឹងអស់សុពលភាពនៅពាក់កណ្ដាលឆ្នាំ 2023 ដូចទៅនឹង David de Gea ដែរ។

ទន្ទឹមនឹងនេះ អ្នកចាំទីដៃទី2 នៅក្នុងក្រុម Manchester United បច្ចុប្បន្នកីឡាករ Martin Dubravka ដែលខ្ចីជើងពីក្រុម Newcastle United ទំនងជាត្រូវបញ្ជូនត្រឡប់ទៅ Newcastle United វិញ។