ក្រុមតោខៀវ Chelsea បានឈានដល់កិច្ចព្រមព្រៀងនាំយកខ្សែប្រយុទ្ធជម្រើសជាតិកូតឌីវ័រកីឡាករ Datro Fofana មកចូលរួមជាមួយពួកគេនៅក្នុងខែមករាខាងមុខនេះបានជោគជ័យហើយ ក្នុងទំហំទឹកប្រាក់ 12 លានអឺរ៉ូពីក្លឹប Molde FK របស់ប្រទេសន័រវេស។

ខណៈដែលកីឡាករវ័យ 20 ឆ្នាំកូតឌីវ័ររូបនេះនឹងផ្លាស់មកចូលរួមជាមួយ Chelsea ជាផ្លូវការនៅថ្ងៃទី 1 ខែមករាឆ្នាំ 2023 ខាងមុខនេះ ពោលគឺជាថ្ងៃដែលទីផ្សារដោះដូរកីឡាកររដូវរងារបើកតែម្ដង។

រដូវកាលនេះ Datro Fofana ស៊ុតបញ្ចូលទីបាន 21 គ្រាប់ នឹង 7 assists ពីការចូលលេង 37 ប្រកួតអោយក្រុម Molde FK គ្រប់កម្មវិធីទាំងអស់។  ខណៈដែលក្រុម Molde FK រដូវកាលនេះជាក្រុមដែលលេងនៅក្នុងពានរង្វាន់ UEFA Europa Conference League។

គួរបញ្ជាក់ថាកាលពីដើមនៃរដូវកាលនេះ ​Chelsea បានចំណាយទឹកប្រាក់រហូតដល់ទៅ ​279.8 លានអឺរ៉ូរួចទៅហើយ ទៅលើការទិញកីឡាករថ្មីមកពង្រឹងក្រុមដូចជា Marc Cucurella, Raheem Sterling, Wesley Fofana, Kalidou Koulibaly, Carney Chukwuemeka, Pierre-Emerick Aubameyang នឹង Gabriel Slonina។