ក្រោយប្រកាសចាកចេញពីក្រុមជើងខ្លាំងនៅក្នុងលីគកំពូលប្រទេសថៃ BG Pathum United កាលពីថ្ងៃទី 08 ខែ វិច្ឆិកា ឆ្នាំ 2022 ទីបំផុតខ្សែប្រយុទ្ធដែលមានបទពិសោធន៍យ៉ាងជោគជាំនៅតំបន់អាស៊ានកីឡាករប្រេសុីល Diogo Luis Santo អាចរកក្លឹបថ្មីប្រកបអាជីពជាបន្តបានហើយ។

ដោយក្រុមអ្នកមានរបស់ប្រទេសម៉ាឡេស៊ី Johor Darul Ta'zim បានសម្រេចចុះកិច្ចសន្យានាំយកខ្សែប្រយុទ្ធប្រេសុីលវ័យ 35 ឆ្នាំរូបនេះ​ ទៅចូលរួមជាមួយពួួកគេសារជាថ្មីម្ដងទៀត។  ក្រោយពី Diogo ធ្លាប់បានចូលរួមជាមួយ Johor ក្នុងអំឡុងឆ្នាំ 2019 ដល់ 2020 មុននឹងផ្លាស់ត្រឡប់ទៅកាន់ប្រទេសថៃវិញ ដោយចូលរួមជាមួយក្រុម BG Pathum United។

ខណៈដែលខ្សែប្រយុទ្ធប្រេសុីលវ័យ 35 ឆ្នាំរូបនេះ មានភាពល្បីល្បាញខ្លាំងនៅក្នុងតំបន់អាស៊ាន គឺអំឡុងឆ្នាំ 2015 ដល់ 2018 ដែលនៅពេលនោះរូបគេលេងអោយក្រុម Buriram United។ 

គួរបញ្ជាក់ថា Diogo ធ្លាប់ឈ្នះពាន Thai League បានចំនួន 3 ដង ឈ្នះពាន FA Cup 1 ដង ឈ្នះពាន League Cup 2 ដង និងឈ្នះពាន Thai League Goal Scorer ​​2 ដង ក្នុងរដូវកាល 2015 និង 2018 ដោយស៊ុតបញ្ចូលទីសរុប 118 គ្រាប់ក្នុងប្រវត្តិសាស្ត្រលីគកំពូលប្រទេសថៃ។