* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
អតីតខ្សែការពារជម្រើសជាតិអង់គ្លេសលោក Stuart Pearce សរសើរ Harry Maguire មិនដាច់ពីមាត់...
អតីតខ្សែការពារក្រុមជម្រើសជាតិអង់គ្លេសអំឡុងឆ្នាំ 1988 ដល់ 1999 លោក Stuart Pearce បានកោតសរសើរចំពោះខ្សែការពារកណ្ដាលកីឡាករ Harry Maguire ក្រោយពីបញ្ចប់ការប្រកួតដែលអង់គ្លេសបានត្រឹមស្មើជាមួយសហរដ្ឋអាមេរិក 0-0 ក្នុងការប្រកួតជុំទី2 ពូល B នៃពានរង្វាន់ FIFA World Qatar 2022 កាលពីយប់មិញ។
លោក Stuart Pearce បាននិយាយថា៖ ខ្ញុំគិតថា Maguire លេងបានល្អខ្លាំងណាស់ក្នុងការប្រកួតមួយនេះ បើគ្មាន Maguire ទេច្បាស់ណាស់អង់គ្លេសនឹងចាញ់អាមេរិក ព្រោះអង់គ្លេសលេងមិនល្អទាល់តែសោះក្នុងជំនួបទល់នឹងអាមេរិកនេះ។
ដោយលោកបានបន្ថែមទៀតថា៖ Maguire រូបគេពិតជាខ្សែការពារកណ្ដាលដែលមាំខ្លាំងមែនទែនសម្រាប់ក្រុមជម្រើសជាតិអង់គ្លេស ជាពិសេសគឺការកាត់ផ្ដាច់បាល់របស់គេពីខ្សែប្រយុទ្ធក្រុមជម្រើសជាតិអាមេរិកតែម្ដង ច្បាស់ៗហើយមិនភ្លាត់ទាល់តែសោះ។
Related
