* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
Lionel Messi ថាការដែលរូបគេអាចឈ្នះពាន World Cup គឺព្រះជាម្ចាស់ជាអ្នកប្រទានដល់រូបគេ...
ក្រោយពី Lionel Messi បានដឹកនាំក្រុមជម្រើសជាតិអាហ្សង់ទីនអោយឈ្នះពានរង្វាន់ FIFA World Cup 2022 កាលពីយប់មិញនេះ ហើយវាគឺជាការឈ្នះជាពាន World Cup ជាលើកទី3 នៅក្នុងប្រវត្តិសាស្ត្ររបស់ក្រុមជម្រើសជាតិអាហ្សង់ទីនផងដែរ។
Lionel Messi បាននិយាយថា៖ "ខ្ញុំចង់បានវាខ្លាំងណាស់ ខ្ញុំដឹងថា ព្រះបានប្រទានពានមួយនេះឲ្យខ្ញុំ។ ខ្ញុំមានអារម្មណ៍ដូចនោះ។ ឥឡូវដល់ពេលសប្បាយហើយ។ មើលទៅពានរង្វាន់នេះ វាពិតជាស្អាតខ្លាំងណាស់"។
"យើងនឿយហត់ណាស់ ប៉ុន្តែទីបំផុតយើងអាចធ្វើវាបានហើយ។ យើងមិនអាចរង់ចាំយូរ ដើម្បីត្រឡប់ទៅអាហ្សង់ទីនវិញនោះទេ ដើម្បីមើលថាបរិយាកាសវាមិនដឹងជាអស្ចារ្យប៉ុណ្ណានោះទេ"។
"នេះគឺជាជើងឯកដែលខ្ញុំរង់ចាំអស់មួយជីវិត។ នេះជាក្ដីស្រមៃរបស់ខ្ញុំតាំងពីក្មេងមក"។
លើសពីនេះ Messi ក៏បានបញ្ជាក់ផងដែរថា៖ រូបគេគ្មានបំណងចូលនិវត្តន៍ពីក្រុមជម្រើសជាតិក្នុងពេលវេលាណាមួយក្នុងពេលឆាប់ៗខាងមុខនេះនោះទេ។
Messi៖ "ទេ ខ្ញុំនឹងមិនទាន់ចង់ឈប់លេងឱ្យក្រុមជម្រើសជាតិអាហ្សង់ទីននោះទេ។ ខ្ញុំចង់បន្តលេង ដើម្បីឈ្នះជើងឯកជាមួយពួកគេជាបន្តទៀត"។
