ផ្លូវការ៖ ក្រុម Wolverhampton បានឈានដល់កិច្ចព្រមព្រៀងចុះកិច្ចសន្យាយកបានខ្សែបម្រើអន្តរជាតិហ្គាបុងកីឡាករ Mario Lemina ពីក្រុមបារាំង OGC Nice ក្នុងទំហំទឹកប្រាក់ 10 លានអឺរ៉ូ ជាមួយកិច្ចសន្យារហូតដល់ឆ្នាំ 2025។

ខ្សែបម្រើវ័យ 29 ឆ្នាំហ្គាបុងរូបនេះធ្លាប់លេងនៅ Premier League ជាមួយក្រុម Fulham និង Southampton មុននឹងត្រឡប់មកវិញនៅឆ្នាំ 2023 នេះ ក្រោយពីបង្ហាញខ្លួនសរុប 58 ប្រកួតតាំងពីឆ្នាំ 2021 សម្រាប់ក្រុម OGC Nice ដោយទាត់បញ្ចូលទីបាន 3 គ្រាប់ នឹង 1 assists។

គួរបញ្ជាក់ថា Lemina គឺជាកីឡាករទី2 ហើយដែលក្រុម Wolves បាននាំចូលក្នុងទីផ្សារដោះដូរកីឡាករនៅខែមករានេះ បន្ទាប់ពីអ្នកទី1 គឺខ្សែប្រយុទ្ធប្រេសុីលកីឡាករ Matheus Cunha ដែលបានខ្ចីជើងមកពីក្រុម AT Madrid។

ខណៈដែលក្រុម Wolves ម៉ោង 10:00 រាត្រីនេះ ត្រូវបើកទ្វាផ្ទះទទួលស្វាគមន៍ក្រុមភ្ញៀវ West Ham United ក្នុងការប្រកួតសប្ដាហ៍ទី19 នៃក្របខណ្ឌ Premier League។