ក្រុមជម្រើសជាតិកាណាដាជាក្រុមមួយ ដែលគេចាត់ទុកថាជាក្រុមក្មេងខ្ចីជាងគេ ក្នុងចំណោមក្រុមជម្រើសជាតិទាំង 32 ក្រុមចុងក្រោយនៅក្នុងព្រឹត្តិការណ៍ FIFA World Cup Qatar 2022 នេះ។ ពេលនេះពួកគេបានក្លាយជាក្រុមទី2 ហើយ ដែលបានជ្រុះចេញពីពានរង្វាន់ FIFA World Cup 2022 ត្រឹមជុំទី2 នៅវគ្គចែកពូល បន្ទាប់ពីម្ចាស់ផ្ទះកាតាជាក្រុមធ្លាក់មុនគេបង្អស់។

បើនិយាយអំពីទម្រង់លេងរបស់ក្រុមជម្រើសជាតិដែលមកពីតំបន់អាមេរិកកណ្ដាលមួយនេះវិញ គឺពួកគេមានរបៀបលេងគួរអោយចាប់អារម្មណ៍មែនទែន ប៉ុន្តែអ្វីដែលពួកគេខ្វះខាតនោះគឺការបញ្ចប់ទី។ បន្ទាប់ពីឆ្លងកាត់ការប្រកួតចំនួន 2 ជុំក្នុងវគ្គចែកពូល ក្រុមជម្រើសជាតិកាណាដារកបានគ្រាប់បញ្ចូលទីបានត្រឹមតែមួយគ្រាប់ប៉ុណ្ណោះ ខណៈដែល 2 ប្រកួតនោះពួកគេចាញ់ បែលហ្សិក 1-0 នឹងចាញ់ក្រូអាត 4-1។

ហើយចំណែកកីឡាករ Alphonso Davies បានក្លាយជាកីឡាកររបស់ក្រុមជម្រើសជាតិកាណាដាដំបូងគេ ដែលអាចទាត់បញ្ចូលទីបាននៅជុំផ្ដាច់ព្រ័ត្រក្នុងពានរង្វាន់ FIFA World Cup។ ខណៈដែលប្រកួតជុំទី3 ដែលជាប្រកួតបង្រ្គប់កិច្ចរបស់កាណាដានោះ ពួកគេត្រូប៉ះជាមួយម៉ារ៉ុក នៅថ្ងៃទី01 ខែធ្នូ ម៉ោង 10:00 យប់ម៉ោងនៅកម្ពុជាយើង។

ខាងក្រោមនេះជាតារាងពិន្ទុពូល F ក្រោយពីបញ្ចប់ការប្រកួតជុំទី2៖